San Martín de Trevejo - Caceres

Mañega auxenti; nos envia un-ha emotiva fotu da Cru.¿Que ten a nosa Cru?.

E, propiu dun final de vacaciós,sintil nostalgia de esis dias tan ben pasaus,que sin duda: se pundria marcha atrás, pa revivilos de novu,si isu fora pusibli. Nun e, esti o mei caxu,puestu que nun as he feitu. Pero,sí, ha siu o caxu do mei dagal.Cuandu se viña de volta;dispois de pasal duas semanas de vacaciós en o Lugal.Cuandu pasaba por as "Cancheiras",me dixu: para!! ;se baisó do cochi,se apoyó en a barandilla que alí, hai de maeira y mirandu po Lugal: vi,comu un-has lagrimas le currian por a cara abaixu.Entoncis;me di conta da, huella que o Lugal,habia deixau en el, y que vulviria, en a primeira ocaxión que tuvera.Comu así ha siu!.

¿E, a Cru;que se fundi con o Lugal,con as suas xentís,con o sei campu.Que fai de San Martín,esi rincón tan singular,que tós desean volvel a el,un-ha ve cuñuciu?.!!Ceu que si!!.

San Martín, ten, i da: o que mutus buscan i mui poicus encontran. !Sencillez! !Hospitaliai!. !Xentí maja!... Y a Cru,nun está ajena a to istu. ¿Alguin ha estau as trés da mañán sentau en a Cru? "PAZ PROFUNDA"

FONTI NOVA.

Bonitas palabras las que dedicas a San Martin y a nuestra Cruz,de la que tanto nos acordamos cuando pasamos por malos momentos y que cuando las cosas nos marchan bien a veces dejamos un poco en el olvido.Me alegra mucho que tu hijo empieze a notar ese cosquilleo que sentimos cuando empezamos a bajar Santa Clara,y esa morriña que nos queda cuando pasamos de las Cancheras para arriba,yo te puedo decir que en mi caso voy hasta Ciudad Rodrigo sin dirijirle la palabra a mi marido,despues de ahi para adelante ya no me queda mas remedio que hacerme a la idea.Un abrazo.

¿Y quin nun ha chorau desde as Cancheiras? Me acordu cuandu era mais pequena y se acababan as vacaciós y nos vulvíamus pa Francia. Sempris séyamus de mairugá., inda era de noiti, quizás pa nun encontrarti con naidi y así nun nos dera tanta pena……..(y meis paris o siguin fendu). Desde a carreteira víamus cumu o lugal se diba fendu ca vé mais pequenu ….con lágrimas en os oyus, con un nú en o estómagu….Deixabas atrás esis días felidis pasaus con a familia, os amigus, esis días de sol, esas noitis de airi, amoris de verán, amistais pa sempris.

Y agora estamus tós con a cabeza chea de recordus y contando os días que faltan pa volvel. Unhos, por sorti, volverán prontu, otrus, sin embargu tendrán que esperal hasta naviais, pero o tempu pasa volandu y dentru de ná estaremus otra vé disfrutando do nosu lugal.


P.S.: Vos informu que voy a mandal fotus que se fideran o día do foru.

bos dias a tos.
que coixas mais lindas idimus da Cru i que verdai mais
grandi e que a vedis solu nos acordamus de ela en os maus
momentus.
ei tamen digu igual que lagartixa a tristeda que da cuandu
perdemus o lugal de vista i se vai fendu ca ve mais pequenu.
veña mañega ausenti animati a escrbil en mañegu.
un salu pa tos/as.