San Martín de Trevejo - Cáceres

Esti "Lagar Rupestri", ya o cunhucía ei cuandu estaba eno Lugal. Dispois, de caixi cincuenta anus que p’oralí nun pasaba, -¡me custó encontralo!-. Cuandu baisaba do Xuan Vicenti as Malhás, era rara a ve, que nun me mitía en él pa dal un-hos cuantus brincus pora sua superficii.-É o día d’hoixi, qu’inda nun sé por qué o feya -pero m’agradaba-.

Esta lagareta, nos dá testimoniu de qu’enaquela zona, había máis vinhedus qu’uliveiras.Hasta puiría sel que nun fora privá;sinon algu así comu "cooperativista". En cualquel caxu, seguramenti les era máis cómodu i rentabli, pixal alí as uvas, i transportal o mostu pa caxa en peleixus o enalgún otru recipienti; tamén cabi pensal, qu’o vagazu o deisaran alí comu abonu. –Nun creu, que por entoncis conhoceran a técnica da destilación eno Lugal; poro que descartu a idea de fel aguardienti (istu, tan solu é un-ha hipótesis minha).

Pues, é un poicu difícil fijal a época d’esta lagareta. M’inclinu, hacia o altu medievu; alá poros siglu novi ...,- nún o sé-,creu habel uivíu a os mayoris do Lugal,qu’a fideran os móirus,-(ben puiría sel do periodu Mozárabi). O que sí puiríamus asegural, é que cuandu aquí se pixaban as uvas; inda se chamaba "San Martín dos Vinhus".

Comu imaginaba: nun sólu dentru do cascu urbanu do Lugal,hai testimoniu do nosu pasau. Pues encuntrí grabaus en edificaciós cercanas a él, dondi se dedudi: qu’había industrias cuya propieai apuntan hacia algun-ha ordin religioxa mutu antis de pasal a mas privás.(Lagaris d’adeiti,Munhus...).

PD. Nun recordu, cual é o topónimu d’esti pequenu texu, dondi está a lagareta da fotu, comu digu máis arriba, s’encontra eno caminhu que baisa do Xuan Vicenti (perpendicular o das Malhás).

-Perdón!!". "Se m'ulvió dispilmi".

Muta soidi a tós.- Tamén,le doi a benvinda os nuvus/as furistas.

Fonti Nova.

Fontinova, me ha gustau mutu a tua descripción, creu que si hubera vistu as peiras nun hubera sabiu porqué era así, se ve que era por algu esa forma que tenin, pero agora ya as dau a tua explicación, y con mutus datus que aunque sean cumu tu didis un-a hipótesis tua, a mi me sirvi pa felmi un-a idea de cumu a uxarian.

Un saluu y soidi pa tos y pa Fala.

mye