San Martín de Trevejo - Caceres

Em principu idel, a os que lêm esti foru, que a resposta minha foi a “O Chitu i demais” querendu idel, cumu desiguiu o digu, os sabichondus que escribim nesti foru, que num quel idel que seam toas as persoas, sinom algumhas, elas ia sabim quim som; por que vistas a respostas pareci sel me he expresau de ma maneira. Os num sabichondus perdoei.

Ditu istu agora le escribu o Sl. Chitu:

Perdoei Chitu pora desfeita, a resposta num tinha postu-a a ma fe. Ei num escribu igual que vos i as minhas letras poim sel mal-intidias, peru pensu que vos seis mais letruu i num tinhais que afial.
Pensei que num m´ofanu do mei escritu, peru vós volvu a idel, i sim aporfial o milhol ditu, cumu di mei guelu, fendu de to istu finca-pe, vos retrucu a vosu manhegu o que tem mutu de retefrenhu.

“De tos e sabiu que aquel que descalifica a os demais, se descalifica a si mismu” : esti ditu castejodo vossu le vai mui bem a to que me ideis, i pasu lêl

“por si nun entendis ben”: idel-mi istu e chamalmi tontu, é o num é.

”en a ignorancia da que fais gala, ignoras cualis son as persoas que escribin aquí, si han viviu, o non, a sua infancia en o lugal, …… te anticipu que o son, profesionais –algunhos con titulación Superior- de recuñuciu prestigiu” :
me volveis a chamal inaru “ignorante en castelhanu” (cumu seguru sabis).

”Me gustaría descubrir, cual e a parti de o mei respetuosu escritu, que te ha molestau, ya que esperu que a tei honorabli guelu nun le haya pasau o mismu, aunque a él se le puia perdoal” . a
Volvu a idel-vus que a mi naidi me molesta com palabras, to contrariu me fai conhocel a sua inteligencia, o escritu foi para que conhocerais algu mais do nossu. I mutas gracias por perdoal ao mei guelu (tem colhos a coisxa¡….: resposta sua o lee-li o vossu correu)

”¿Acasu supoñel que era lagarteiru e un insultu?”: Mei guelu tem mui vos companheirus nAs Elhas, i hasta tubu novia alí, segúm me conta pa idel-vus;
manhegus, lagarteirus i valverdeiru, o mismu me da, somus parti da misma cultura. Por ponhel issu demostreis que tendis o botom mitiu pa dentru, cuandu ideis “vidiñu”.

O ditu mei, i refirindumi os Sabichondus que to mundu sabi a quem se chama asina , “os que escribís sois de esa quinta que fostis a estuidial fora, i a cultura que tendis num e a 100% a nossa, tendis mistura da cultura dum dagalitu manhegu da vossa época com a de adultu castelhana(vos heis criau em seminarus o fora do lugal longi dos vosus pairis); sois de esis querim sel em tos os laus, i mais agora, idendu que defendim a fala, y o risoriu de to, e que os seis filhus tenim de lengua materna o castelhanu”:
Sintu idel-u, peru tendis que reconhocel que to essa moceai que sei do lugal a estudial, se “culturizó” estudio y vivii em castelhanu sendu dalagalitus, i e umha pena pa nossa fala i pa elis foi o sei futuru i prosperiai que e o que quiriam tos os pairis (e o que pasa com as culturas minoritarias); i tenim que reconhocel que se perderam algu o mutu do que nos deixorim os nossus antepasaus, pensu que num o arrecolheram to o que habiriam arreculhiu de habel viviu no Lugal. Que habiria pasau nos nossus lugaris de num habel existiu a forti emigraciom? ? ? . To istu o he ditu pensandu tamem na minha familia. i o final de to, i num digais que e mintira, os filhus da maiuría que estudiorim i seiram a vivil pa fora num ham tiu cumu lengua materna o manhegu, o vos conhoceis que fora o contrariu? ¿porque num deram aos seis filhus esti regalu de seis pairis i aguelus? to mundu no lugal sabi porqué.




”Tei guelu –a quin respetu- tendrá toa cultura que tu digas y, por ser bellu, tendrá mais experiencia de as coisas do lugal, pero na mais”: o cunhucimentu e cultura, i a experiencia que vai de pairis a filhus e cultura. O cunhucimentu, experiencia, sabiduría, etc. dos nossus antepasaus que nos deixorim e cultura; ei ia quixera toa esa que tu dis: “experiencia das coisas do lugal, pero NA MAIS”, com istu vos queru idel que demostreis soberbia, o mismu que feiam antis os maestrus, mecus i curas com a yxenti que num eram do sei mundu. A cultura que recibimus no insinu e cultura alhea que si a incorporas está mui bem eno persoal, pero otra coixa e asimilaciom, deixandu o tei por otru.
Esperu vos sirva esta resposta, Chitu, pero que suponhu vam a leel otrus mezucós do nossu rulu.



Pa algún-os dos que me responderam:
Ia veu que tendis um bo corporativismu nesta página, (que vos conhuzu!) tos funcionarius, i vendu os horarius que ponheis os correus estareis de folga! Ja, ja.. Asina vai o pais.


Pa Fern. perdóm B.rodas: Lô que te pensas? que num te conhozu a ti nin a teis filhus?, me levas mutus anus, peru num so tontu pur issu. Tu me conhocis, onque por o “tei nivel” me saluas con esformu i mirandu dendi arriba o avedis nim issu ¿que crees que pensam de ti no lugal? na bô, penso-o bem. Cuandu te jubilis i deixis o insinu quim vai a ganhal?.

Pa Chenchu: cuandu digu que “si algúem sabi da nossa fala essi e él” me refiru a que som os mais velhus os que tenim o custal mais cheu pa ussal a fala menus castelanizá.
Num estó na tuas clasis fendu ninhum exami, pa tel que andal respondendu-ti, te resumu a tuas preguntas: ei i tu somus incultus si nos vamus o terra dos Deni (indius do Amazonas), o pensas que num tenim cultura? o e inferior por estal a peloti?, no sei mundu e a milhol de toas, i a tua i a minha num som na o num sirvim de na alí. Um cabreiru dos de antis no lugal ten menus cultura que tu? (o poicu que he aprindí de elis i o mutu que puia havel aprindiu de pasal mais tempu com elis (estó pensandu en um par de cabreirus que ia morreran).
Chenchu venhu lendu to o que se escribi no foru sim entral, i esperu num respondais pa poel sel-mi; si entrî foi por que o mei aguelu metei a pata em ponhel um comentariu i le responderan, i volvu a idelo num o e feitu a ma fe sinom con sinceriai.
Agora te digu que, i to mundu que te conhoci o pensa, i cumu sinceru que so demostras que en issu de chrarreal pa ponhelti na espeteira o pa queal cumu o máis elocuente i cultu se te da bem,. UMILDAI tamém e palabra manhega i mui linda. Menus latin que num nos gusta aos incultus i tos to vamus a agrecel .


Pa Fonti Nova: havel si te enteiras, num he escritu pensando que le ha faltau o respetu a mei guelu, solu o fidi pa aclaral as ideas. Ei si le faltam o respetu a mei aguelu num respondu com letras.
Pero tes has pensau que o trabalhu que sa tomau durante tantus anus o a feitu pa esponhel-o?, que sepas o a feitu pa familia pa que quei algu del cuandu num esté i sigamus contandu as historias, contus, etc…que tem arreculhias pa seis netus i bisnetus i ,… i os por nacel; ia me preocupu ei de tel as suas libretas i o que le pasu ao ordenaol ao cuau “como oro en paño” .


Pa o Zaparrostru: (cuau num te acerquis o leiti) istu e umha broma por o tei login.
A ti si que num te conhozu, seguru que eris novu, mutu mais que ei. Te contu que a minha maneira de escribil, num ha invintí ei, as rados si as ques tas mandu por correu o falamus cara a cara si te das a conhocel, i te buscu. Te falaria do Reintegracionismu por fases que está levandusi en Galicia, cumu um dos pasus pa mantel o galegu, i o mau que poi suponhel utilizal a grafia de um-a lengua da que num vem. Te imaginas os Aranesis escribindu a maneria castellana o catalana, han diu a procedencia da sua lengua o Ocitanu.


Pa o Pirata: ei num queru quental o Foru, por favor num pensis issu, algumhos ham criiu vel chamizus na minha maneira de pensal (pa isu so libri) i estám arcendendu mistus.

Pa M/E: ei sempris respetu a to mundu, idel as verdais do que pensas num e faltar o respetu. Si has liu to esti tostóm que me heis feitu ponhel te daras contal que num so así cumu eis pensau.
A yxenti que hasta sendu fora do lugal ha tiu a HONRA de pasali cumu "lengua materna" a nossa lengua os seis filhus se merecim o agradecimentu de to o lugal, (que ham seidu pero que estám notrus sitius de Espanha poicus casus hai ¿dimi algún de mininus nacius fora do lugal?), otra coisxa e fora de Espanha (aquí hai mais), em istu pensu tamem em lagarteirus i valverdeirus.




Soidi a tos i num me retruqueis que me custa inheiru andan na Internet, me vo agora o campu que ia se está frescu.

Boas tardis,ei sólu te digu que é una pena que nun entris mais eno foru, pensu que tés muto que aportal.Tamén é pena que tô esi traballu qu´a feitu o tei güelo nun sea expostu pa usu de tôs.
Nun entru enas afirmaciós que fais sobri algunus foristas (elis si quén o fairan), peru barruntu certu resentimentu que esperu sea una apreciació miña.
Sigu idendu que si nun era a tua intenció quental o foru o vais a cunsiguil, tempu ao tempu.
Un salû

¿¿Peru Cervantis nun se a mortu.??

¿A quén fais a preguntiña?

Pa o otru ??

En o mei escritu de 16-05-06 das 10:57, muy respetuosu, por certu, porque hasta me dirigía a ti de vos, (porque sigu sin localizarti), te propuxi mutas preguntas, y solú t’as parau en a d’os meis dagáis, dexandu de lau as otras CATORDI.

Quirría que me aclararas sólu un par de asuntus, aunque recoñozu que tés ventaxa, ya que sabis quin soy y ei nun se quin eris tú.

1.- Has escritu: “Lô que te pensas? que num te conhozu a ti nin a teis filhus?, me levas mutus anus, peru num so tontu pur issu”.
Contesta: ¿Vistis por algún lau en o mei escritu expresiós malsoantis, o de falta de respetu?
Te puiría poñel centus de persoas d’o lugal que nun coñocin a os meis dagáis y a naidi se le ocurriría sacal una conclusion asina.

2.- Cuandu te jubilis i deixis o insinu quim vai a ganhal?.
Esta pregunta nun ha entendu, nun sé si te refieris a cuestión económica (que nun te competi) Ou otru tipu de cuestión, (que te competi menus inda).

Tamén afirmas:
“Ia veu que tendis um bo corporativismu nesta página, (que vos conhuzu!) tos funcionarius, i vendu os horarius que ponheis os correus estareis de folga! Ja, ja.. Asina vai o pais”.

Algún día saberás (así o idía miña agüela) por que, estandu en activu, te escribu, desd’a miña casa a esas (y estas) horas. D’a marcha de esti país (me imaginu que te refieris a España), puíamus falal (escribil) mutu.

Me gustaría sabel cumu se puía estudial en os anus que ei estudií, sin sel fora d’o lugal.
¿Crees que era cumu agó que os levan (i os train) a o IESO de Valverdi o d’Os Foius?

Esperu que dexis de lau esi resentimentu, que, de certa forma, se aprecia en o tei. Y tamén esa falsa ignorancia que pretendis que nos creamus que tés, y que, apreciu nun é tal.

Te salúa

B.RODAS o Fernandu, cumu tú queiras.

Pa o netu do refertoxu:

Esta mañán passi por artu un-ha afirmación en o tei escritu de en dondi escribis o que didis que pensan en o lugal de mi: “na bô” – didis.

Pensu que isu será en o tei entornu con a xentí que tú falas, más inda: isu será o que opinas y pensas tú, y sin embargu nun te atrevis a idelo.

¿Has feitu un-ha encuesta o votación a o respectu?

¿Quín eris tu pa argüirti a representación de too lugal? Por a edai que didis que tés, nun creu que seas o arcardi, que esi é maiol que ei.

Millol inda ¿Quin eris tú? Nomi y apillíus, y si ques o moti, apodu, o cumu te coñozan.

Creu que debis opinal por ti mismu sin escondelti en isu de O LUGAL. É máis t’o exiju que o digas aquí: en esti Foru, pero con NOMI Y APILLÍUS.

Estamus en o de sempris: DA A CARA

Si nun qués felo aquí, pois felo en estis datus:

1.- a esti correu que te digu: fernandodomingueza@edu.juntaextremadura.net

2.- As escuelas públicas de Malpartia de Cáciris (tfno.927 01 08 46). Agó nun me chamis hasta a final de mes, porque estoy de baxa laboral porque me atropelló un cochi fai un-hos días

3.- O dumingu diré por o lugal. Si p’a entoncis AS DAU A CARA, te poiré escultal y rebatil. Si, cumu esperu, nun has daua, tú sabis quin soy y me pois falal. Estoy a tua enteira disposición.

Si te achantas y calas, tendré o dereitu a pensal que eris un intransigenti, un risintíu y un cobardi (istu últimu porque nun das a cara).

Por si algún d’o foru duda quin soy:

Fernando Domínguez Almaraz (ferreiru por parti de pairi y peseteiru por parti de mairi)

Por a miña parti, y dentru de esti foru se ha acabau esta conversación.

Estoy totalmenti d'acordu con o que opinan CHENCHU y FONTINOVA DOIS.

A ver ti te aclaras as ideas.

Sin acritú

B.RODAS.

Me didis: haber si te enteiras!. Me he enteirau de un-a coixa. Si, o escritu precedenti tei,nun tiña sintiu, esti o ten menus inda.

Me didis: si alguin le falta o respetu a mei aguelu. "Nun responderé con letras".¿ De que,otra forma pensabas respondel?. Que nun queiras transmitir os cuñucimentus de tei aguelu, me pareci muy ben, comu tú apuntas: "to, quea en a familia".

Por miña parti, doi por terminás estas conversaciós.

Soidi. FONTI NOVA II.

"Netu do Refertosxu:
Me diriju a o "netu" nun a o agüelu, debi quear istu muy claru pa que logu nun haya interpretacios.Siría un placer coñocer a tei agüelu que si é natural y vidiñu de SAMARTIN segurísimu que o coñocemus y nun entendu cumU nun nos didis de quin se trata pués habría ya que ofrecerli un HOMENAJE por o feitu de dominar esti meyu de comunicacion y ..!!con 90 anus!!!
En o mei mensaji, asi cumu tu nos transmitis os coñocimentus de tei agüelo (agüela nun tendrás, te sobras y te bastas)al menus isu pretendis. Ei titulaba o mei mensaji: "O mitu da Cultura" titulo de un libru de Gustavo Bueno. Ni siquera entraba en o fondu de o tei escritu purque ben te puia haber ditu que miña filla, por ejemplo, fala y escribi o mañegu (Letizinha)o puia haberti falau da "cultura" de os pastoris, que ei si anduvi por os currais y Xialima con as cabras, o sea, que entresaqui as preguntas que se fai o filósofu pa que mas responderas y escribis:" Num estó na tuas clasis fendu ninhum exami, pa tel que andal respondendu" Si has preguntas son retóricas,"netu sin agüela", se has fai o filósofu, nos as femus tos,exceptu TU, que ya estas de volta de to, Tú, "netu sin agüela" (te bautizo asi) o tes to muy CLARO:
"Solamente sé que ...." habia afirmau unhos dos pairis da filosofía occidental ahora de planteasi o tema de coñocimentu (da cultura). Nicolas de Cusa, sabiu renacentista, apelaria a la "DOCTISIMA IGNORANCIA" pa explicar o tema de a sabiduría; Friederich Schlegel, poeta y criticu románticu aleman, escribi: "Cumu mais se sabi, mais se desea aprender. Con o saber creci parlalelamenti a sensacion de nun saber, o millor ditu, de saber que nun se sabi" a hora de saber separar o que uni/relaciona saber e ignorancia; mientras Vladimir Nabokof, escritor rusu autor de LOLITA de maneira sarcastica reformula o pensamentu de Sócratis: " A pior enfermeai de un ignoranti é ignorar a sua propia ignorancia". Y es que parafraseando a Fernandu Savater se puiría afirmar que " A ignorancia é a enfermeai do filósofu".Beltrand Russel a o final do sei libru: LOS PROBLEMAS DE LA FILOSOFÍA: "Pa resumir o nosu analisis sobre o valor da filosofía:
a filosofía ha de ser estudiá, nun por as respostas concretas a os temas planteaus, ya que generalmenti, ninñua resposta precisa nun poi ser cuñucia cumu verdai, si non, sobretó, por o valor de os mismus problemas; porque estis problemas amplia a nosa concepcion de too o posibli, enriquecin a nosa imaginacion intelectual y disminuyi a seguriai dogmática que cerra o espiritu a investigacion ..."
Joseph JOUBERT (1754-1824) e un pensaor frances de os mais profundus y originais de toos os tempus, ESCRIBI:

" SE busqui a sabiduría mais que a verdais. Está mais a o nosu alcanci"

" A nosa sabiduría é o únicu meyu que dispoñemus pa juzgar a sabiduría de Dios"

"...y solu son sabius cuando soñan"
"Hay que emplear o movimentu en busca da sabiduría humana, y o reposu u a meditacion en buscar a sabiduría divina"
"Buscar a verdais? Sí, si solu se trata desaber. Pero ¿y si se trata de vivir? entoncis é preferibli a sabiduría."

Ter mutus estudius, creu que é o tei casu, a vedis nun sirvi pa ná. Un canal de televisión, por ejemplu, ten mutus estudios.
Y un dogmaticu/fanáticu cumu tú, sempris tindis radón aunque nun a teñas ... ( a radón)
TEñu agora frenti a mi, impresu, o tei mensaji pués dentru de unhos minutos a tendré detrás.

Bos días.
Chenchu.

Descoñozu a radón por a que ago me tratas de “VOS”, entendu que o fais como un actu de cortesía hacia miña persoa. Sin embargu, te agradeceiría que, igual que a primeira ve que o fidestis, sigas diriginduti a mi usandu o tuteu, ya que ei fayu o mismu contigu y debemos mantel, en esti dialogu, o mismu planu de igualdad con o que empezamus.

Cualquel foru, creu que o sabis por que ya o han definiu muy acertaamenti dias pasaus aquí, se usa pa manifestal en él opinios sobre distintus temas,como si fora unha tertulia; nunca, y por isu algunhos integrantes de él to han criminau, se debin fel alusios persoais cuandu de un tema general se trata y, menus inda, descalificacios generalizaas.

En esti casu, estabamus comentandu coisas sobre a nosa fala y, me pareci a mi que,sin meditalo mutu, te lanzastis pa yantri fendu una especii de critica, a juicio mei desafortuná, fora de tonu y un tantu imprudenti, (ya ves que nun te digu malintencioná por que ya me didis que nun era así,) que ha provocau as respostas que has recibiu.
Aparenta que eris muy jovin y solu esi datu, aunque nun o justifiqui, fai que entenda un poicu o tonu de o tei primer escritu.

Te agradezu a disculpa pero me choca mutu a forma de fela

Perdoei Chitu pora desfeita, a resposta num tinha postu-a a ma fe.

¿Has escritua a propositu? O e así a tua forma de expesarti, por que entendis que se escribi asi en mañegu ( te piu por favol que nun tomis istu que te digu mais que como unha curiosiai miña, ya qua a expresión e, pa mi, rara )
O digu, de verdais, por que me interesan mutas das expresios que fais :

ofanu (orgullosu) – retrucu ( recriminu ? )– finca-pe (insistencia)- retefrenhu ( nun se o que quel idel), inaru (ignoranti ?). Igual que esti párrafu, que me resulta difícil de entendel, aunque adivinu o que didi

yxenti que num eram do sei mundu. A cultura que recibimus no insinu e cultura alhea que si a incorporas está mui bem eno persoal, pero otra coixa e asimilaciom, deixandu o tei por otru.


Por otru lau, siguis sin interpretal ben o que te idia de tei guelu.

Non e que o perdoara por que nun me ofendei, tu tampocu, o idia en o sintiu de que nun se le poi recriminal na a un homi da sua edai si fai un comentariu que, ei o sinon os demais integrantes de o Foru, o considerin desacertau, pues –e unha teoría- supoñu que non ten os teis estudius aunque teña mais sabel y experiencia.

Alguin te ha ditu que parecis un poicu resabiau y volvis a insistil en atribuirmi soberbia con fundamentu solu e a interpretación de algunha frasi miña, Non me coñocis y insistis fendu unha comparación con aquel tratu que, fai tempu, se le daba a certas persoas, que se consideraban relevantes en o lugal, como de otru estamentu social vaya. Lementu idelti que siguis equivocau, por que mentras que antis solu estudiaban os que chamábams ricus, que hasta paseaban separaus de os demais y feyan grupus aparti , ago, gracias a os que seimus y estudiamus, como poemus, en o lugal y fora de él, se han rotu esas barreiras sociais y, por idelo de algunha meneira, tos nos falamus de tú.

Nun te chamí tontu, aunque si fidi usu da ironía, pero has demostrau que de tontu na de na. Sí manteñu o calificativu que te dediquí, que nun e un insultu, pues ei ignoru mutas coisas de mutas materias, igual que, me pareci a mi, ignorabas a quen de dirigias generalizandu opinios con o tei escritu.

Y ditu istu, por que o Foru pa mi e como un desafogu que me libera un poicu de a tensión diaria, tendu en conta a forma de expresarti y o fondu tamen, poera sel que tu y tei guelu seais unha misma persoa, por que, de verdai, nun acertu a localizal en o lugal a ninhum homi de 90 anus que escriba a máquina y se sirva de un ordenaol.
O as feitu ben, provocandu a discusión y en unha coisa tes radón y ei o e ditu sempris, tos os que vivimos fora y tos os que vinvin en o lugal, nos hemus deisau influil por os meyus de comunicación en general, de maneira, que mutus pensamos en castellanu y tradudimus y, a mi me pasa, hasta que nun levamos en o lugal unhos días nun pensamos en mañegu.


De toas manerias, seas un, o dois, mais o menus jovin, cuñuciu o non, a ver si nos vemus y cambiamus personalmenti impresios y palabras de esas raras que usas, o me o parecin a mi. Un saluu de Chitu.

Amigu netu de tiu esi"Refertosxu" (palabra que nun sé ni o que sinifica)
asi cumu tantas otras que escribis , que me pareci que si son mañegas , ei soy "chinu" , pero si tu o didis ,y tei "guelu" to aproba, nun vamus a discutilo, porque estamus frenti a un dos poicus sabius que quean en o lugal, (cumu o ultimu moicanu )nun e asi?

Pero o que mais me inquieta de toa esa parrafà que nos contas, e o que le contestas a nosu amigu FONTINOVA DOIS, (que desde aqui le mandu un saluu )


Le contestas asi:


!!Pero tes has pensau que o trabalhu que sa tomau durante tantus anus o a feitu pa esponhel-o?, que sepas o a feitu pa familia pa que quei algu del cuandu num esté i sigamus contandu as historias, contus, etc…que tem arreculhias pa seis netus i bisnetus i ,… i os por nacel; ia me preocupu ei de tel as suas libretas i o que le pasu ao ordenaol ao cuau “como oro en paño” !!

Istu e mui preocupanti amigu "netu" Ques eidel que gracias a tei "guelu" , y si un dia chega a desaparecel a fala, porque segun tu, cumu os nosus fillus ya nun o falan , esta condenà a desparecer, namais quearà esi legu "cumu oiru en pañu", que te deixa tei "guelu"pa ti y pa tua familia? Pos ya te veu cumu o "Mesias salvaol" y habra que rogarti que nun nos deisis solus por favor, que si non estis 900 anus de fala nun han sirbiu p'a nà . A ti imploramus pa que nos encomendis a tei"guelu" y nos regali con to esi "texoiru linguisticu" , que tantu nus esta fendu falta (cumu patrimoniu do Valli)


Un saluu pa ti y muta soidi pa tei "guelu" (habra que empezal a feli o contu). Y sigui escribindu, por favor, pa meternus en o bo camiñu da "fala"


M/E

Por ulviu: Iderti que tamen esperu velvus esti veràn a tei "guelu" y a ti o dia dos furistas en'a pichorra ,que prontu pondre a "fecha."

Supoñu que cumu bos mañegus , vos gustara o bo viñu do lugal.


Ya, nà mais, de momentu.


M/E

"Netu do Refertoxu"

" (....)¿que crees que pensam de ti no lugal? na bô, penso-o bem. Cuandu te jubilis i deixis o insinu quim vai a ganhal?.

Declaru "PERSONA NON GRATA" a o autor/responsabli de estas palabras
contra un ciudadanu mañegu ejemplar y un extraordinariu profesor cumu é Brodas.
Ratificu y me solidarizu con as palabras que de maneira respetuosa te ha dirigiu Brodas, "netu sin agüela"

Bos dias.
Chenchu.