San Martín de Trevejo - Caceres

Acabu de eitali un vistadu a o ABC de a edición de Sevilla de o Dumingu y en o cuadernillu D 7 LOS DOMINGOS DE ABC, se publica unha entrevista a varias persoas con retratus y to,feita por un periodista chamau Alfonso Armada. A nota que publica o Mundu,pa mi, nun vali pa ná, esta e mais explicita, pero tampocu entra mutu en o fondu da cuestión, sin embargu si está mais documentá por que toma o que le conta Domingu, que e un auténticu entindiu. Menus mal que en esta se didin coisas que son verdais,gracias a Mingu. A fala nun e galegu ni otru galegu, e a fala y ya está. Vos salua de novu,,Chitu.

Dispois de ver o articulu do ABC do Dumingu sobri a fala , (con fotu y to de Mingu en a boiga de Uven y Marian) estoy d'acordu con nosu amigu Chitu y e que claro estandu Mingu por meiu e de o que millor se ha esritu estis dias y ey tamen sacu a conclusion de que a nosa "fala" e a nosa "fala" y que nun le demus mais voltas, en o unicu en que nos devemus central e en comu poel conservala pa que por lo menus duri otrus novi siglus mais y que se aceptin axuas da procedencia que sean, (europeas, nacionais, galegas o estremañas) pero que nos deixin siguil falandu cumu hasta agora, que ven hemus aguantau sin axua de naidi.

Cumu vos dixi o otru dia estuvi con o mei dagal en unhas charlas sobri a Fala que organizo unha profesora de filologia galega en o Institutu Cervantis. Estaban muy intersaus en uivirnus falal y buscal paricius y diferenias con o galegu y se queorin asombraus do pariciu que temus, pero que claro, galegu exactamenti nun e, o pur a evolucion propia da lengua, o por otrus orixinis, cumu por ejemplu o asturu leones antiguu. O que mais le surprindia era de cumu habiamus puiu conservala dispois de tantus siglus en meiu d'unha zona castallanu-falati, sacandu a conclusion de que o que temus e un tesoiru y que por tos os meyus debemus de conservala y trasmitila a nosa descendencia.

Un saluu pa tos/as y soidi pa "FALA"