San Martín de Trevejo - Caceres

¿Quen nun se acorda de Tiu Manolu o Carteiru? que vivía a o lau de o Cuartel de a Guardia Civil antigu.Esti omi(q.e.d) tiña dois fillus, un se chamaba Manolu cumu o Pairi y otru, mais pequenu, se chamaba Peiru.
Pues Manolu (fillu) cuandu tiña 8 ó 10 anus, tuvu unha enfermeai de o Corazón y os Meicus de entoncis, le diagnosticorin que "a sua via depindía de o Corazón" y que cuandu empezara a ser joven (13 anus), virian si a fortaleda de o Corazón currespondia con a vigorosiai de too o demais Corpu.
Pero mutu antis de o final, voi a contal o vo dagal que era. Era bastanti amigu mei y me acompañó mais de unha tarde a eitali agua a os Praus de mei Pairi, mais arriba de a Cachina.
Estandu unha tarde en o Forti y cuandu viñan os Camiós de Mairil a comprar Carne, un Conductor de un Camión disiu: A vel cual e vó dagal que me vai a dil a comprar tabacu a o Estancu". Varius nos demus meya volta y fidemus o ademán, de que nun quiriamus dil. Pero o amigu Manolu, si se queó alí parau y tranquilu pa que o Conductor o mandara a pol Tabacu. Efectivamenti foi a o Estancu, y trusiu o Paqueti que le había piu, pero a resposta de o "Conductor de o Camión" foi muy ambiciosa en aquel tempu; le dó unha prupina que consistia en CINCU PESETAS. Estoi falandu de o anu 1954-55 ó 56, cuandu tíñamus 9 ó 10 anus.
Manolu siguí con sua enfermeai y cuandu tiña 13 anus fallecei. Quizás oixi con os ayantrus en a Medicina y sobre tó do Corazón, otru galu cantaría, pero en aquel entoncis nun se puu fel ná. A Mairi se chamaba Amparu.
Ei nun e puiu ulvialo, pol o vo dagal y obediente que era.
Que Dios o teña en o ceú a él a sei hermanu y a seis Pairis.
Chalrrieira.