San Martín de Trevejo - Caceres

En o capítulu XIV do Quijoti titulau "Donde se ponen los versos desesperados del difunto Pastor, con otros no esperados sucesos " leu o siguienti:
"Yo nací libre, y para poder vivir libre escogí la soledad de los campos; los árboles destas montañas son mi compañía; las claras aguas destos arroyos mis espejos;con los árboles y con las aguas comunico mis pensamientos..."
En o día dos enamoraus queru escribil a o nosu lugal y expresali con un profundu sentimentu de amor y alegría, que durmu pa despertarmi en a sua plaza, que choru pa enchel o arroyu das lágrimas dos mañegus que pasan largas temporás con os seis traballus lonji das suas callis, que viaju cuandu poyu hasta alí buscandu a lú do sei valli y escapandu das tineblas artificiais y contaminás da gran ciai.
Me enamoré de unha mañega, alí nacei o nosu amor y o alma de unha preciosa dagalita que poicu a poicu se vai dandu conta da belleza y forza de un sentimentu que compartimus con gran compliciai valli de Xálima.