San Martín de Trevejo - Caceres

Boas mañás teñan os Foristas, Mañegus y Mañegas:
Estimau amigu Fontinova:Cumu ven didis en un correu anterior, pensas dil a o Monasteriu de Silus a escutal un Dumingu cantis Gregorianus en esta próxima primavera.
Me dás un poicu de envidia, ya que estis cánticus enchin os sintius, y os uivius notan un godu que pareci estal un en otrus mundus. Si teñu ei algunha ocasión quisiera vivil unha experiencia de esta clasi.
Te contaré. Nun sé si te acordas, que cuandu éramus jóvinis, viñeran a o nosu Lugal, unhas Cacereñas, muy majas, por certu, que ensinaban bailis regionais y entoncis estaba de Cura D. Filipe. Cumu a esti cura le gustaban as faldas, nos seleccionó a unhos cuantus dagais de o Lugal, pa cantal cánticus "Gregorianus".
Cualquer persoa un poicu capacitá, pensará ¿qué relación ten "Cura-bailis regionais-. Dirá que nun ten niñun parentescu. Sin embargu, pol estal cerca de as bailarinas, D. Filipi, nos insinó hasta "O Tedeum", pá cantárselo a estas mulleris, o día que se foran. Cumu digu, a relación nun e concordanti.
Efectivamenti, os cánticus "Gregorianus" incluíu "O Tedeum" é unha godá y sintius de o cerebru.
Aunque o grupu que formábamus nun era muy numerosu y tampocu eran vodis concordantis, si dábamus a talla y o "Tedeum" logramus aprendelo. Esti cánticu e para "dimnifical" actus "Religiosus" importantis, al menus isu era antis.
Me alegra que así o hayas dispostu y vayas con tua mullel un día, a esi Monasteriu y godes de as Cánticus gregorianus. Te alabu o gustu y o sintiu.
Que o pasis ven amigu Fontinova.
Chalrrieira.

Amigu Chalrrieira: pues claru que m’acordu d’aquelas dagalas que foran a insinalnus bailis regionais.

-Eran duas, i a morena estaba pa nublal os sintíus. Cumu didin poraquí: "está pa untal pan" .Nun é pues d’estranhal,que D. Filipi estuvera sempris arreol d’elas; en materia de faldas, era un gran intindíu. Ya sabis, que das Ellas tuvu que sel fendu FUUU comu os gatus.

En cuantu, dil a misa a Santu Dumingu de Silus ; pues nun é a primeira ve que voi, i si Dios quel,esta primavera tenhu intención de dil a pasal alí un dumingu. -¿Por qué nun fais tú o mismu?; tampocu está tan lonxi de Mairili, i seguru que tamén to pasarás ben. A mí cono cantu Gregorianu, me pasa o mismu que te pasaba a tí cona Chalrrieira ; -¡os aburru!,me didin que soi máis antigüu qu’os Dinosaurius, i que tinha qu’habel nacíu i vivíu eno medievu. A verdai, é que a mí me relaja mutisimu; cuandu voi sólu eno cochi, caixi sempri o levu postu.

Un abrazu

FONTI NOVA

Ya veu que vos gusta o cantu Gregorianu,y me prareci muy ben que vayais a o Monasterio de Silus,ei he estau varias vedis, y efectivamenti se pasa un ratu muy b o. Foy un Sabau a oivir a Salvi y me gusto mutu, dispuis he estau en Seman Santa y efctivamenti muy ben he diu varias vedis a Misa en Dumingu y volvere cuandu teña ocasión.O Gregorianu e un canticu muy bonitu,ei por esperiencia o se ya que estuvi en un Colegio dondi se cantaba mutu Gregorianu y se mutas Salmus, mutus Motetis, varias Misas Gregorianas y tamen o Tedeum, que se canta de mutas meneiras. Amigu Charreira,si tes ocasión procura dir a algun Monasteriu y veras o que he cantar. Y ya que faleis de D, Felipe os diré que estuvu en esi Monasteriu un a tempora,meditandu si procedia o nun dexar o Sacerdociu,nun se si legustaban as faldas o non pero si me costa que hubu otrus motivos que nun voy a espoñel pa dexar o Sacerdociu, me creu capacitau por a gran amistai que nos uni,que nun foran as faldas o motivu pa dexar de ser Sacerdoti,pero e millor nun falar, de coisas que nun nos van ni nos venin.
Un Saludu cordial pa os de o Gregorianu y pa tos os de o Foru y comu sempris AUPA A FALA.
El Salto.

Boas noitis a tos.
Amigu fonti-nova si vas a santo domingo de silos,nun deixis de visitar
o pueblu de Covarrubias y tampocu o desfiladero de yeclas,pues mereci a pena velo, ei o coñozu bastanti ben,
soidi a fala y a tos os mañegus/as.

-Hola cachina! .Ultimamenti,nun t'asomas mutu poraquí.¡Hai que vel!,o dexarráigu qu'ultimaneti algun-hos manhegus i manhegas tenin hacia o foru.

Covarrubias:zona de enormi interés históricu/cultural.Alí,naci Castilla eno siglu X da man do condi Fernán González. É un-ha zona,mui rica en arti Mozárabi,Románicu y Góticu.Según a historia: Wamba,Fernán González,Princexa Kristina de Noruega entre otrus,están enterraus alí.

Pues nun digamus ná do paisaji.Comu tú ben didis,é un-ha auténtica godá pos sintíus. Esti pais nosu,é algu que nun ten parangón,lástima a cegueira d'acabal con él.

Soidi a tos

FONTI NOVA