San Martín de Trevejo - Caceres

Amigus furistas, vos queru contal que me he informau sobre os temas y,
o parqui pa mayoris instalau en a carreteira a o lau do Cementeriu, e pa que o disfrutin aquelis que nun han tiu a sorti de entrar en a Residencia de Mayoris de o lugal. O Ayuntamentu quel o disfruti de tos os mayoris en general, con tos os servicius que ten pa elis en a nosa localiai.

Respectu a o interés de A FALA, sabéis que se vay a construir muy prontu un Museu dedicau A FALA y a Cultura de a nosa localiai, vay a ser un Centru de Interpretación pa tos os amantis de A FALA y en general de toa a Cultura.

Así que sólu nos resta tel paciencia, y cumu as espectativas son muy boas, a esperal..., que tó chegará.
Y unha ve máis, vos contu que está sendu muy solicitau o parqui, toas as tardis se enchi de mairis con os pequenus y de os mayoris que van a andar y dispóis se quean alí fendu algún ejerciciu, unhos o fain o subir y otrus cuandu baixan, y por supostu tamen os disfrutamus os que inda nun somus da terceira edai, y con a sorti de felo o airi libri y con un entornu super agradabli, tantu de persoas y de dagalitus cumu de o paisaji.

Un saluú pa tos y pa Fala.


mye

Hola myecomu ya te dixi en otra ocasión, gran periodista ha pirdiu España,hay que ver o interes que pos en tó y comu nos o contas dispois en o foru.
Ei creu,que to o que sean coixas novas pa o lugar ,estan ven ,claro logu pasa comu con to a un-os les gustará y a otrus non.Si a tos nos gustaran as mismas coixas istu siria un aburrimentu.
y pensati o que te digu de o periodismu,nunca e tardi y ademais ,nosotras inda somus caixi jovinis,o non???.
soidi pa ti ,pa tos y pa A Fala.

Estimá furista mye:
gracias por telmus informaus a tos de o que aconteci en o lugal. Esta ben que se esté pensandu fel un Museu pa to o que hay sobre a Fala. Pero desde mei puntu de vista y, sin sabel concretamenti sobre que temas se vay a tratal,por un ladu me da comu repelús, nun quixera vel dentru de poicu a Fala comu algu postu en un museu algu que foi pero que ya se acabó. y por otru ladu veu una oportuniai de primeira pa que, aproveitandu o local se oya reserval parti de as salas pa montal a infraestructura pa ital a andal con os traballus que fayan que a Fala reviva y nun teñamus que dil a un museu pa vel qué foi isu que en tempus se faló en tres lugaris de o Val d Xalima.
Estimá mye, didi o refrán "que o que espera desespera" y creo que o asuntu e tan seriu que comu nun nos movamus os propius interesaus dentru de nun mutu tempu os nosus netus tendrán un museu a dondi dil pa sabel comu falorin seis abuelus (ojalá me equivoqui) ¿e imaginas qué hubera siu do vascu desde que se morrei Francu hasta agora si huberan esperau a que as coixas se arreglaran?. To digu ei:" habría desapariciu yá o sirian 4 os que o falaran.
Nun deixemus que isu ocurra con a Fala
Pero concienciemus a os puliticus mais inmediatus dos tres lugaris.
Tenin que dil xuntus. Ná de di ca un por sua conta.
Nun poemus permanecel impasiblis vendu comu o tempu pasa sin fel ná esperandu a que alguin veña y resolva o que e nosu problema. Esa xenti sólu se movi si v e que con isu se poi colgar una medalla, si nu e asi nun apostará por invertir ni sei tempu ni o iñeiru.
Fayamus que a Fala teña soidi.