San Martín de Trevejo - Caceres

A propósito de os aparatos que s´han instaláu cerca d´a Relva, pâ que poian (poiamus), fel ejercicius os maioris, y os menus maioris, ha surgíu un tema, que diríamos colateral: a FALA.
Personalmenti nun me gusta chamal asina a nosa forma de falal. En o foru hai xienti que sabis mutu máis de istu y nos puía oriental en as diferencias de lenguaje, lengua y habla.
Fai un tempu, se estuvu falandu a nivel de Consejereía de Educacaión, sobre un programa que se titulaba, pomposamente: A fala en a Escuela.
Inclusu, con o nombramentu de un-ha filha de dois maestrus de Valverdi, cumu Conselleira de Educación, me fidi algn-ha ilusión.
Me interesí por o tema. Inclusu (sólu a nivel personal, digamus por entretelmi), chiguí a fel un esbozu de proiectu educativu, con cuñucimentus, actitudis, procedimentus, objetivus y cuantu se exigía y se feia entoncis en as aulas, digamus normáis.
En algun-has conversaciôs informáis con algun-ha autoriái educativa le chuiguí a expoñel minha upinnión a o respectu (O inspector de Educación de a zona de o lugal era entoncis un antiguu compañeiru de colegiu mei).
Pareci que aquilu era un-ha dâs promesas de algún pulíticu, y nun paricía que tuvera mutus visus de tiral p´aiantri. O dixí, en o primer ciclu de Educación Primaria y hasta agora.
A opinión é clara: hay que unificar criterius, respectu a AS ELLAS, VALVERDI y NOSOTRUS, porque si non estamus pirdíus.
As probas me remitu: dagalitus que, son dô lugal, que vivin en o lugal y que seis pairis son dô lugal, y sin embargu se cumunican entre elis en castellanu. ¿Cúmu escribirán os SMS por o móvil? ¿Qué máis señáis de alerta queremus?
Agô mismu, esis (y otrus) dagalitus, consideran a o mañegu (chameili a fala, si queréis), cumu coisa de xienti maiol. Elis se debin expresar en castellanu. Nun nos equivoquemus a o interpretal esti párrafu: pâ un dagalitu de dé o dodi anus, cualquera que teña máis de cuarenta anus ia é un-ha persoa maiol (antis inclusu le falábamus de Vos).
Fai un tempu, en un-ha conversación en câ Indanunse, estábamos tres furistas falandu, y a opinión, de al menus dois de elis, era, que se unifican criterius, vocabulariu o girus y expresiôs, o istu (a fala), se diba a trasti en duas o tres generaciôs.
Nun ulviemus a presión cuntínua a que está sumitíu por parti dô castellanu: radiu, tv, y mutus otrus meius de cumunicación social.
Creu que pâ sel dumingu por a mañán, ia vos é dáu mutu a tabarra.
BÔS DÍAS.
B_rodas.

Respectu a opinión sobre os aparatus gimnásticus, estoi cerca dâ línia de Chenchu.
Reiteru os bôs dís y forti apretón de mâs.

Tu, por levali a contraria a tei quintu, eris capá de fel hasta a letra de un fandangu sobre o parqui y os aparatus do parqui, pues fayo que ei le poñu musica y en a proxia reunión do Foru se estrena. Ago en seriu, tes mutisima radón, habia proyectos de fel hasta un taller pa a fala, pero de isu nun se sabi na, e mais, as asociacios que se fundorin pa esti tema se han mortu de inactiviai, y isu que estaban por meyu en o lugal,Dumingu y un maestru de as Ellas,ago nun me acordu do nomi, pero que se puñia interés y se fideran reuniós y hasta dois congresus sobre a fala, pero na, to a queau en isu, salvu que ei nun teña cuñucimentu de mais coisas; por isu, sí siria bo que se promovera, de algunha maneira, desde o Axuntamentu, a instancia inclusu de esti Foru, primeiru, que se informara de qué e o que hay sobre o tema y, segundu, qué se vai a fel, y si non que se faya o que sea necesariu pa que esti ben cultural,que, como tu didies está en seriu peligru, nun se morra por desusu, por que a qui aqui feimus escribindu e testimonial, hay que mantelo de otra maneira incentivandu a os dagalitus y a os estudiantis mais mayoris pa que o manteñan, o cuidin y o perfeccionin. Un abrazu Bodas. Soidi pa a fala y pa tos.Un saluu .Chitu.

Bôs dias tenhais tôs:
Esti tema da Fala e mui importanti, por'o que ei sé está en via morta
falandu en terminus ferruviarius.
Mingu me dixu que ia num se feian reunios pa tratal d'istu, que ia
s'habia cansau i se l'habian quitau as ganas.
E normal, um'a persoa sin apoius tirmina cansandusi, anti istu, ei proponhu qu'agarremus o relevu a traves d'esti foru.
Num entendu ná, Bruselas ampara as lenguas minuritarias i as defendi,
¿ Os pulitiquilhus que temus na xunta que fain ?
Tôs sabemus qu'e um tema que num da votus, peru o conselheiru de cultura
ten qu'estal pur incima d'isu, me pareci a mi.
A Fala ei a veu cumu um'a unificación dos tres Lugaris i asi se chama,
sabemus que hai o valverdeiru, o lagarteiru io manhegu, os tres lenguaixis cum nomi propiu, peru a Fala e otra coissa.
Pol ponhel um exemplu hai palabras cumús de mui antiguu cumu ( uma )
una en castelhanu, presenta um'a dificultai fonética expresala, pur isu
se debi creal um espaciu, peru si ponhemus unha, estaremus leendu uña
de deu, palabras pirdias praticamenti cumu taita, que si ha chegau hasta
agó a siu um milagru, as reidis da misma son celtas sin duda algum'a,
enesta terra que ma tocau vivil porasí idelo, tamén perdura cum'a
diferencia de que perdi a T, d'esta fonma din AITA cuandu se refierin
ao pairi, tamén didin corri, rifirindusi ao correl, tô istu nos mostra
lenguas prerromanas, despois ia se sabi as influencias qu'atiu.
Tamén aqui, i d'istu vos poi falal Alfena milhol qu'ei, habia o vizcainu
o guipuzcuanu io navarru, purque Alava poicu falo o vascu nunca.
Pos tuveran que unifical os tres i sei o Batua, cumu si diriamus a Fala,
agó eo que se fala i se escribi, peru a xienti rural e incapá de aprendelo, elis num falan asi.
Istu nossu é um'a riqueda que num poemus deixal perdel, habrá que fel
o que num está escritu pâ qu'asi sea, ia sabemus qu'enas casas se fala
o manhegu, peru si logu sain a calhi i falan castelhanu, máu.
Cumu di Brodas, os sms cum palabras redudias i en castelhanu, K pol que
i asi, vaiti alá a idelis que a palabra axín é pimentu, lessoa a música
celestial, esta tamén e mui antigua i solu se conserva en valverdi,
prantita de ají didin enesis paisis que descubriran os extremenhus,
osea ají do castelhanu d'antis, pimentu agó, axín en prerromanu pimentu
en manhegu, entoncis cual siria a Fala, intental recuperal tantas palabras pirdias, cumu lomba de loma o lombu de lomu, a forma de escribil o falal, cuandu se di plaza i num praza o tabla i num traba,
num soi filólugu ni ná que se le pareza, e sintiu cumun despois se habel
liiu mutus coissas denantis, esti e um tema mui seriu i profundu pâ
intindius, num debemus tratalo superficialmenti.
De momentu siguiremus fendu o que boamenti sabemus fel, peru num esta de
mais que nus vaiamus currigindu tôs um poicu, escribimus mui apresa i debemus repasal o escritu antis de mandalo, asi i tô metemus a pata
purque num hai ná difiniu, esta misma manhán e liiu ómi enúm libru,
asi se escribia en vé de, homi, pur isu num se poi idel si está ben o mal purque num hai unuficación de criterius.
Ami sem'ocurri qu'os mestrus xiubilaus tindrian bô intritinimentu, cuandu se vai ao Lugal fel um cuadernu de campu falandu caicuandu cum
a xienti malhol, que pol desgracia ia quean poicus, peru os hai.
Ia veis que a poicu que se quera idel da Fala poin correl rius de tinta,
soidi i muta soidi pâ éla, purqué, purque esta enferma.
Forti abrazus pâ tôs.

Boas noitis compañeirus furistas:
ya ni me acordu muy ben cuando impicí a entral e o foru. Pero creo que en os primeiras coixas que escribí foi sobri a necesiai de unifical forzas entre os tres ayuntamentus en os que se utiliza a Fala comu meyu de expresión. Si estis nun fain ná o nun tenin claru de maneira que propoñan a Xunta o a quin sea un Plan de recuperación urgenti de este ben cultural non hay na que fel. Nun sé nin qun está e os ayuntamentus ni me interesan sus ideas puliticas, agora estamus falandu de un ben cultural que trascendi as ideas de partius puliticus ( istu e intemporal).O que creu e que hasta agora o que se ven fendu e simplimenti idel que aqui se fala comu se fala por vel si asi se atrai o turismu y puntu o poicu mais. Comu se está vendu y estoy de acordu con Brodas e que comu nun se poña remeyu a Fala se perderá poicu a poicu, de feitu ya idis que a maneira comu se fala agora por os dagais e distinta a comu falaban os nosus mayoris. ¿De verdai creeis que a Xunta (pulíticus) van a fel algu de forma secuencia y programá pa salval a Fala si con isu nun mantenis os seis postus en a Xunta?
Nos temus que movel nosotrus antis y hasta deixal que elis se colgin as medallas que fayan falta si con isu consiguimus iñeiru pa eital a andal por o camiñu de a recuperacion da Fala. Sí amigu Nachitu, aquí fai ya unos cuantus anus tamen andaba ca un por sei lau y se falaban(inda se falan) dialectus de o vascu unificau (Batua). ¿que qué hay que fel? Seguru que si entre tos queremus sairá un plan de recuperación de a Fala con o que a puro de esforzu lograremus que al menus nun se perda si nun que se manteña y vaya poicu a poicu gañandu ámbitus de usu en o dia a dia.
En fin, si vos acordeis y, tal comu o cumeti con algún de os furistas a o primeiru ei pensaba que o foru era sólu una ferramenta precisamenti pa reivindical milloras pa o lugar y que tíñamus que fel que os puliticus has tuveran en conta. Isu de sel eligius y deixal que se perda un ben como é a Fala o por lo menus nun idel o que está fendu para que nun se perda e un luju que nun deberamus permitir os mañegus y os que poin votal en o lugal deberan penalizalo.
Si to istu quea el una parrafá que aburri hasta a o mais pintau.....mau
Soidi a Fala
Propoñamus camiñus y soluciós si vemus qu a os pulíticus nun se les ocurri. De toas as formas a Fala está por encima de a pulíticay dibiriamus sabel en cá momentu o que se fai por ella, teñamus votu o non n San Martin. A Fala e de tos os mañegus nun sólo dos que vivin alí.

Agora ,o mais urgenti ,segun me pareci a mi ,é, de plantearsi a cuestion
: cumu fel, pa que os dagalitus se interesin por o Mañegu?,a mi me ha vindu 'o pensamentu ,(muy facil),escribili contus en mañegu,(aunque sean tradudius) en as festas,(y nun solu en as festas) tomalsi o tempu y fel teatru en mañegu ,que sei ei....,fel algunhas d'as activiais en mañegu....

se presentarian vuluntarius pa dedicali un poicu de tempu p'os mininus,?nos o pirmitirian as autoriais ?
Si nosotrus nun nos decidimus a fel algu...,quin o vai a fel?

creu que o traballu p'os filologus... puiria vil dispois....

Esperu mutas y boas respostas.

Un forti abrazu pa tos
Anduriña

Te remitu a Ferdinand de Saussure (1857-1913)
en sua escuela a distincion entre langue y parole
se discutia con mutu mais insistencia que a distinción entre
languey langage Intentaré resumilo.
A distinciuon entre lengua y fala
"A lengua es un sistema de signos en en el que solo es esencial
la unión del sentido y de la imagen acústica las dos del signo
son igualmente psíquicas (GLG, pp 55-5A pesar de existir una
total interdependencia entre la lengua y el habla
el estudio de la lengua solo será posible desde el habla"
Segun Sassure "Se podria decir que no es el lenguaje
hablado el natural al hombre, sino la facultad de
constituir una lengua, es decir, un sistema de signos
distintos que corresponden a ideas distintas.
(Aqui Chomski y os seis discipulus discrepan, os chamaus estructuralistas "a facultai de constituir unha lengua")
A lengua,segun, Saussure, "es la parte social del lenguaje,
exterior al individuo, que por si solo no puede ni crearla
ni modificarla"
O lenguaji...siria un conjuntu de señais que den a entender
unha coisa, en o sintiu ampliuq: lenguaje das floris, de os
ollus, de as estrelas,lenguaje das furmigas o das avellas etc..
En sintiu mais restringiu se denomima lenguaji al conjuntu
suius articulaus que emplea o homi pa expresión das sua vivencias.

GRAMATICA ESPAÑOLA de Juan Alcina/ José M. Blecua. Ed. ARIEL

("dagalitus que, son dô lugal, que vivin en o lugal y que seis pairis son dô lugal, y sin embargu se cumunican entre elis en castellanu")

Me custa entender que unhos dagalistus de pairis parlantis
en mañegu se expresin en castellanu, creu que en esi momentu
estaban yugandu a y nun creu que o fayan sempris.
Os que vivin en o lugar me poirian corregir, pero en a calli
en a plaza cuandu yugan os dagalitus sintu que falan o mañegu
Que se debin "unificar criterius en cuantu a ortografía" entre
os tres pueblus IMPORTANTANTISIMU, porque ya solamenti por o feitu
de inicia-lo y as institucios implicas en esta accion, crearía
unha corriente de entusiasmu, de motivación que serviría pa
dali a fala un novu empurrión, sendu conscienti que nun siría
suficiente de cara a sua protección.
Si, ya habías expresau que nun te gustaba denominar FALA
a o conjuntu das falas do Valli de Xialima, pero agora...
¿Qué mais da? chamemus cumu chamemus temus que estar unius
y nun quer en discusios esencialistas. Solamenti por
o acertu en "SOIDI A FALA" mereci apenas chamala asi.

bos días

SIntu que o mensaji esté saturau de BASTARDILLA

Boas tardis Foristas, Mañegas y Mañegus:
Qué duda cabi que a "Fala" está en peligru: Si en o lugal hay censás alreol de 950 persoas y que matrimonius con fillus pequenus hay poicus y que cumu antis a procreación era mais intensa. Mais fillus; mais matrimonius y que logu nun seyan de o Lugal, pues se tradudía de que a fala era entre dagalitus, pairis; agüelus y que nun seya naidi de o Lugal, pues nun se pirdia. Pero a generación nosa seimus a mayoría de o pueblu y nosus fillus nun falan de o Lugal, salvu casus rarus é lógicu que a "Fala", nun conti con boa salú.
Tamen oixi os dagalitus yugan menus en a calli, hay menus comunicación, hay mais que estudial y TV y Radiu, coisa que antis a radiu a cuñuciamus poicus y a TV niñun de vista, salvu que huberamus falau de ela. To isu englobau fai perder que se fali de o Lugal. Antis estábamus mais tempu en a calli yugandu y naidi falaba "castellanu", salvu os que viñan a veraneal, sendu fillus de pairis de o Lugal; inclusu os fillus de os ricus, salvu excepciós, falaban castellanu. Pero sendu un ven cultural y ademais, pol habelo falau nosus pairis y agüelus y antepasaus, debemus luchal porque a fala nun se debiliti.
Quizás as laboris en un tallel de aprendizaji, to falau en Mañegu, siria o ideal. A Escuela, os Maestrus poicas vedis serán de o Lugal, pol isu nun o practicaran.
Soidi a Fala, Mañegas y Mañegus.
Chalrrieira.

Estimaus furistas:
O Primeiru que hay que hay que tel claru e si estamus dispostus a eital a andal, cuantu estamus dispostus a traballal, quin serán os nosus representantis,si este traballu están dispostus a felo os gobernantis dso tres lugaris contandu a xenti, si se pretendi preparar un plan de choqui siguiu de un desarrollo por etapas en o que hay que dil prevendu as necesiais y a implicación por sectoris (ayuntamentus, tabernas, comercius, oficinas de turismu, escuelas, tempus de ociu, xenti de edai,...)
Ejemplu:
Ayuntamentu:letreirus internus en mañegu, pirmisus pa rotular os indicaoris en a Fala con o castellanu, utilización progresiva de a Fala en os plenus, utilización en as duas lenguas pa redcción de os comunicaus y demasis escritus...,presentación de un presupuestu anual a Xunta pa poel leval a cabo as acciós que se programin pa eital a andal a Fala, redacción de documentus de control y presentación de tosos documentos que se requeiran por as autoriais que aportin iñeiru....)
Tabernas: rotulación de os nomis das tabernas en a Fala, rotulación de cualquel anunciu dentro de o bar en por lo menus a Fala, comprumisu de atendel a xenti en a Fala y a us forasteirus tel a santa paciencia de intentan que aprendan cuatru o cincu palaras mentras están dentru do bar,que cuandu atendan a os proveedoris os primeirus saluus sean en a Fala....
Elaboral un plan de choqui: actus programaus pa incial una campaña mesual en as escuelas: iniciar en un fin de semana concursus tantu pa mayores comu pa pequenus en o que objetivo sea a defensa da Fala en tos os ámbitus, pasl por as escuelas y programar pa toa una semana activiais extraescolaris supervisás or xenti do lugal. Recullía de traballus y exposición cuntinua en a plaza y otrus lugaris comu tabernas...Falal con os curas pa que fayan o esforzu en falal en os sermós en a Fala y sobri a Fala. Estas campañas o recordatorius se fairian ciclicamenti ca mes.Ao acabal o cursu se fairia una semana dedicá a Fala conuna festa e una semana con activiais interlugaris (As Ellas, Valverdi y San Martin)....
en fin, se poi siguil pormenorizando to o que se queira pero istu ten que tel un soporti con una cantiai suficienti de iñeiru aceptá por a Xunta que se metei en a aventura de edital una colección de libros sobre a Fala pero que nun debi queal indiferenti vendu como esa lengua minoritaria desapareci. De que vali lamentarsi logu, si mentras se puu fel algu nun se fido?
Habrá que poñel en marcha una comisión que elabori un plan pa poelo presental a os tres ayuntamentus. Una especie de Plan estrategicu sobre a situación actual da Fala por lugaris. Pasu, presenti y futuru previstu da Fala y miías pa socorrelo.
Y si hay que pasal casa por casa pa que c un se decanti si quel fel algu por a Fala, se fai y si esi algu e poñel un fondu pa montal una oficina con alguin que esté minimamente pagau (liberau) pa fel o estudio pues se pon una cuota anual o semestral. Hay que buscal de toas as formas as implicacios de as autoriais. Nun entendu comu vistu o vistu nun son ellas has que se poñin en a vanguardia de ese movimentu,pero en fin.
Se puia estal falandu de este tema horas y horas y e o que esperu de tos os furistas y de os que nun o son. Logu nun sirvi de na idel que queremus a san Martin, o muvimentu se demuestra andandu.
SOIDI A FALA

"Alfena"
He aqui un extraordinariu bocetu pa unha programación
de cara protección/promoción da FALA.
Valverdi dibiría ser a locomotora, ya se ha ditu aqui,
porque é a que ten mais cantiai de falantis.
Nosotrus desde aqui con expoñelo ya temus suficienti
¿Qué mais puemus fel? Siguir machacandu sobre o mismu.

boas tardis

Estimau Chenchu:

Te contu, de que sea Valverdi a locomotora ná de ná. Me explicu. Si diseramus que sea Valverdi o que tirara do carru pariciria que nun temus muta fe en que estu saya payantri y de isu ná. A Fala a temus que sacal do diqui seco entre tos y nonque os de niyun lugal se levi o honol de habel siu o que ha salvau a Fala de una morti anunciá. Temus que dil tos os tres lugaris de o Val de Xalima xuntus, mais xuntus que nunca hayan puiu soñal. Agora ya nun se trata de barrel pa o nosu o osei lugal, se trata de traballal co con co hasta fel pusibli un soñu tantu de un comu de otru.A presidencia de esti proyectu comarcal siría o rotatoria de ca ayuntamentu o ben se montaria una gerencia que rindira contas a os tres alcaldis por lo menus un par de vedis a o anu
y sempris que así se le requirerá. Os ayuntamentus tindrian que aportal iñeiru de forma proporcional a xenti que tenin censá. A parti que esta gerencia tiña que promovel un programa de activias anuais pa procural que a sua getión en un par o tres de añus poeral sel autofinanciau, dixandu a ayuntamentus con as cargas de mantel as infraestructuras (locais, oficinas, energia, electriciai, agua, ...). Así que de deixal a Valverdi con esti proyectu ná de ná, amigu Chenchu. ¿Te imaginas os tres lugaris traballandu comu nunca pa cunsiguil que a Fala sea un orgullu, primeiru pa os Falantis y hasta pa Xunta de Extremaura? ¿to imaginas?. Si creemus que istu poi sel ya encontaremus dispois os camiñus pa consiguilo.
Si fai falta conciencial a os mismus puliticus de os tres lugaris pues o fairemus ¿o no? .
De deixal que sean os amigus valverdeirus o meis quierius lagarteirus que fayan un trabllu que correspondi a tos , ná de ná.
¿Os vamus a deixal amigu Chenchu? ¿a que non? Pos claru. O sabía.
Un abrazu Chenchu
Soidi pa ti y pa Fala

"Alfena"
Transmitis mutu entusiasmu e isu e bó.
Os objetivus estan claru, os procedimentus tamen, pero
agora ben a pregunta:
¿Quín le pon o cascabel a o gatu?
Opinu que a pregunta está mal formula: "¿Os vamus a deixal?"
si nun teñu poel algún nun poyu fermi esa pregunta.
Pregúntati qué pois fer tu, ademais, son os falantis
de os tres lugaris quien/quienis so tenin que plantear
nun asumamos o papel de salvaoris, ei por o que a mi
me correspondi nun o pretendu, ¿y si les dera igual
a mayuria que a FALA desaparecera? pos habría que respetar
dicha opción.
O que se fai desde aqui, istu mismu de falar sobre
qué habría que fel, ya é bastanti. Y bueno si ya se están
impartindu clasis de mañegu, algu se está fendu.
Teñu a esperanza que as persoas responsablis puliticas
se comprometeran activamenti, se veran obligaus cuandu haya
un CLAMOR, que a FALA se morri, mientras y agora en época de crisis
os recursos son pa otras activiais, tamen muy importantis.
As nosas limitacios son grandis y mais do que femus desde aqui,
mais, nun se poi fel.

" Si albergas una ramita verde en tu corazón, se posará
en ella un pájaro cantor" (proverbiu chinu)

Esta siría unha das funcios do foru, poñer o nosu granitu de área;
que a "ramita verdi" nun se sequi.

Pur mi ya doy o tema por debatiu hasta a próxima
que nos volveremus a repitir, pero é asi, paciencia.

boas noitis.