San Martín de Trevejo - Caceres

Amiguus y amigas foristas:
O sábau por a mañan estaba en un-ha tenda y entrorin tres dagalitas de 9 anus falandu en castellanu, as tres de pairis mañegus, entoncis les dixi:
!Eu¡ ¿pero que estéis fendu falandu en castellanu?, nun vos déis conta do bonito que hé o mañegu, hay que falar en mañegu. entoncis unha de elas me dixu: Isu era antis, agó falamus castellanu.
Vulví a idili: ¿Pero vosotras sabéis que se chama a Fala? y otra contestó:- Sí hay tres falas.
Le preguntí:- ¿Te refieris a que se fala en os tres pueblus, aquí en as Ellas y Valverdi?, y me contestó: Si isu.
Otra dixu: Amí cumu se fala en as Ellas nun me gusta ná.
Les dixi: Tendis que falar o mañegu, que he un luju que o sepámus, y he algu que nun se poi perdel.
As tres me dixeran: Yá si, sí o falámus con méis pairis en casa, pero cuandu semus con as amigas falámus castellanu porque nos gusta máis.
Total que le dixi, que tiñan que falálo sempris entre elas, que era algu propiu de San Martiny de tos os mañegus, y elas eran mañegas...
Bueno y máis coisas les dixi, a o cabu de un ratu entrorin y les dixi y ¿agó cúmu estéis falandu?, elas me dixeran que en mañegu.
Esperu que continúin y sea verdáis.
Dispóis pasó por alí Capitan Centenu y se lo cuntí, y él me dixu que era verdáis que mutas chavalitas mais mayoris inda entre elas falan castellanu, ei tamen as he escutau.

Así que pensu que temus que siguil inculcandu a os máis pequenus o valor de a nosa Fala.
Ensiguía pinsí que vos o tiña que contal.

MUTA SOIDI PA FALA Y PA TOS

mye

Boos dias Foristas, Mañegas y Mañegus.
Está muy ben o que didis amiga "mye". Nosutrus que hemus estau mutus anus fora de o Lugal, hemus mantiu a "Fala", cumu unha herencia recibia de nosus Pairis (q.e.d); algu muy familial, algu cariñosu; algu que te diferencia de as demais "Lenguas".
Ei sempris o he practicau desdi cualquel lugal de España, falandu con meis hermanus o Mairi por teléfonu, aunque había persoas que falaban otras Lenguas, ei sempris empleaba a do nosu Lugal "A Fala".
Efectivamenti, as dagalitas y dagalitus de agora, serán os mayores de o dia mañan y si estis nun o practican, se perderá, pol isu e boo inculcali desde pequenus que falin cumu nosus pairis nos han insinau.
Y sempris que me he encontrau con alguin de o Lugal, sempris he falua a misma Lengua "A Fala".
Soidi a Fala, Mañegas y Mañegus.
Chalrrieira.