San Martín de Trevejo - Caceres

Boas noitis tenhan os furistas:
Otru día me chegó por e-mail un-ha presentación (que ei é remitíu a algún que otru furista), dondi se afirma que un fraili d´o Conventu tardó cincu horas en dil desde o Conventu hasta Xálima.
Ei, as vedis que he subíu a Xálima, creu (ia fai mutu tempu), que o fidi partindu desde Santa Clara, pur isu nun tenhu elementus de valoración.
A pregunta que faiu é: ¿Cuántu se poi tardal en fel esi traiectu?.
Digu istu en seriu, pâ mutival a o Foru, que está caláu, y pâ que a xienti que o sepa opini. Personal que faia poicu que a díu.
Logu nun me venháis con referencias cruzás, que si a fraili tinha mutus anus, que si foi por San Ládaru o si subí por a Pastora y as Torris, que si tal que si cual,que si se enreó con un que estaba vindimandu,...
Tamén didi esa presentación, que pâ baxiu, taradó sólu tres horas.
Aei quea o tema.
BOAS NOITIS

B_RODAS

Dependi de si hay carrunchela o non, por que o airi poi sel determinanti da velociai, como, según didin, le pasó a tei parenti tiu Faustinu, unha de tantas vedis que un dia de esis de airi huracanau, en ve de dil a Xalima a buscal chamizus se enreó e cá de Ausebiu, entoncís tia Ladislá, y a isu de a unha da mañan sua mullel, que diva a compral o pan en cá de tiu Solanu, o vi alí ya meyu chispu y o increpó chamanduli de to, incluiu aquilu de borrachuzu, y le preguntó por os chamizus sendu a responsta do humitu ¿Inda nun han chegua a casa ? lo si o lobu do airi esti mos arrancó do burru y sos levó costa de San Ladaru a baisu. Asi que ya sabéis, o airi da carrunchela influirá en a solución. Soidi a Fala y pa tos, Un saluu de Chitu

Home, dependi por dondi sais, porque ya me acordu unha ve, que diba tiu Luteriu o camiñeiru pur a carreteira do Forti p'a baixu i un le pregunto.. ?dondi dis tiu Luteriu? i a esti bo homi cumu nun le gustaba nunca que le fideran mutas preguntas lo contesto: !!VOI PA XALIMA!!. Asi que nun te poyu eidel o que tardaria.Pero nun desesperis porque seguru que algun andarin de esis do lugal te poirà contestal con mais exactitù.

Un saluu i soidi a fala

M/E

Suponhu que falas do fraili chamau o lambón do Conventu, legu encargau
da horta, hortelanu que punhia ena casita entrandu a man dereita.
Homi grandi, gran trabalhaol i bô cumilón, sua azá tapaba as espaldas
de cualquel mortal normal, pur num idel das mas que tinha, de asustal.
Contan que tiu Carrascu le cortaba o agua pâ regal i qu'un dia o entaló
i le dixu, hai Farrascu, si num fora tan rilixiosu agó mismu te raxaba,
tiu Carrascu homi baixitu i menu, vos pois fel idea do sustu que se levó, cuntu istu, pâ falal agó da subia a Xiálima.
Sendu da praza i subindu pora carzá do portu se tarda hora i meia ao
artu de Santa Crara, d'aqui p'arriba hasta chegal ao artu de Xiálima
custa duas horas, istu sendu um mortal normal, logu habrá quin diga
que si voi de paseo o qué, pâ baixal se tarda um'a hora menus.
Agó vamus ao fraili que nus ucupa, esti subiria a Divina Pastora lógicamenti, d'aqui poro portu d'as Elhas ao artu de Santa Crara i logu
pâ Xiálima, tendu en conta sua curpulencia i que fairia parás pa reponhel forzas, cunsiderandu que levaria a merenda en um sacu i qu'esti
pesaria, pos sí puu eital cincu horas p'arriba i tres pa baixu purque
o sacu ia num pesaria ná, peru baixandu hai que tel en conta a retención
pa num envalalsi, asi que tamén leva sei tempu.
A segunda pregunta que pranteas eno emiliu contestu cumu os galegus cum otra, os dois frailis fain o mismu recurriu, purque sendu um do Conventu
i otru de Xiálima a mesma hora num tenin necesariamenti que cruzalsi,
hai mutus caminhus pa subil i baixal, istu num e aquilu de dois tres
que sain de distintas ciais pura mesma via férrea a distintas velociais
i dondi se poin cruzal, hai que vel Brodas, sempris dandunus que fel a os miolus, cumu se ve que t'has dedicau a docencia, pos num t'has xiubilau de tô.
Bueno, forti abrazu i soidi pâ tôs.

Se supon que quel idil por o mismu camiñu a dia i volta. Por tantu se dedudi que se tenein que cruzal en alngunha parti, peru nunca a misma hora. - Palabrita do hermanu Fortuni-
Chitu, dinus si e Telecincu y a hora, que ei esto mirandu a programació do domingu un nun me sai esi programa.
Y cambiandu de terciu agó en otru enviu vos mandu miña opinió y unha carta que he vistu por aquí.
Forti abrazu.

Me informó a periodista que a entrevisa sai en a programa Rojo y Negro de Telecincu, sobre as dodi. Soidi Chitu

Pa poñer mal ditos en mañego e millor nun poñer na aprender afalar y escrivir (ejemplu poner faia sera feya poico que habia diu tarado no sera tardo inda fai mutu tempo.