San Martín de Trevejo - Caceres

A naturaleda nos obsequia generosamenti con hermosus bosquis de pinus, castañus y roblis que se abrazan entre si en a Serra da Alegría y con os tonus verdis y marrós dos olivus y viñas do Vali da Pá, que se perdi ya en as terras de naidi. Os límitis do mundu alcanzan unicamenti a esa fotografía diaria que contemplu con emoción y a o vellu reló do campanariu que marca o tempu da miña vía.
A pá de aquel lugal me ha pemitiu creal o mei propiu mundu, dondi as lágrimas as provoca a feliciai y a satisfación de poel pensal a o final de cá jorná "he viviu un día mais en esti lugal, o mei lugal".O vali, os rius y as fontis naturais y a inocenti silueta das montañas, dibujás mil vedis en os cuadernus da miña infancia, agora aparecin cá día en a miña vía cumu o fai un veleru a a cansá vista do náufragu.
O que nos regala a naturaleda nun nos o poi quital ni cambial naidi. A mán do homi nun poi cunvirtil as fontis en un recordu do que foi a agua y os verdis campus nun se poin cunvirtil en un puntu gris, confusu y turbiu...

Amigu parral , nun se si eris novu en est foru, si e asi, te doi a bienvinia , y te felicitu por o ben que describis o nosu valli y trasmitis os sentimentus que me chegan a o fondu da alma, te piu que continuis narrandunus esis cuadernus que me transmitin pà, sereniai,nostalgia y bos sentimentus.

Muy boa.Continua

Te salua cordialmenti esti MAÑEGU

Parral, benvindu/ a !!!
Gracias por o tei mensaji
¡¡¡BELLEDA!! isu rezuma a tua prosa poética.

boas noitis
Chenchu

¡¡¡¡ Te pillí Chenchu !!!!. Prosa poética, poésía ¡ Que mais dá! si fai nacel en quin o lee, esi sintimentu que confesas habel exprimentau.

Guapa coisa as escritu parral, ven vindu. Un saluu pa tos. Chitu

Estás listu Chitu, si crees que has pillau a Chenchu. Verás comu le da a volta a turtilla y en ve de idil o que ha ditu, dirá que quissu idil
"Por-esa potética poesía". !Menua labia ten o dagal... mira cuantas cissas le pí a os Reyis, isu que nun e monárquicu.
Me alegru que hayas reentrau con esis talanti.Chenchu, a tí tamen te queru.

¿Sacamantecas? NON,
me parecis "Sacamantequilla", te veo muy moderau,amuermau, amodorrau... observu que ya nun RAJAS. Te has cunvirtiu en PALMEIRU en botafumeiru.
¡Que pena! Claro que te han contagiu con estas expresios de millará:
"purqui defendi radon de nun tela" "me ha chegau muy adentru"
Obervu que ya ni "chupas roa", ni comentas a yugá.
Esperu un textu profundu tei.
E certu que soy REPUBLICANU, pero creu en os Reyes MAGUS.
¿y qué OPINAS sobre o que piu? MOLLATI!!

Bos dias.
Chenchu

E que inda estoy influenciau por os sentimentus de boa voluntai das festas. Ya veu que tú non, insiguia te sais do casilleiru. Ei creí que o que estabas amuermau eras tú por os últimus escritus que has feitu mais a tonu con o tonu(valga a redundancia).¿nun crees que ya está ben con ó tema de que é puesía y toa esa parafernalia?.
Nun creu que te haya ufindiu en os meis comentarius, si e así, te piu perdón.Me he prumitiu sel bo esti anu.
Tampoicu soy locutol pa comental a xugá, ni palmeiru, ni botafumeiru.
Isu de botafumeiru o levas ben mitiu en a cabeza, será un trauma infantil.
Sobri o textu profundu que esperas, esti nun poi sel mais, o estoy escribindu en as minas de Balsarein a mais de 550 metrus de prufundiai.
Si crees en Reyis Magus, me pareci muy ben to o que le piis, peru me pareci que nun son tan "Magus" comu pa arreglal os temas que mezclas de pulitica, peru voluntai nun te falta.
Buenu, prenda, que te vaya ben o 2006.

Chitu:
"PLATERO Y YO" de J.R.J e un ejemplu claru de poesia en prosa, pero esi nun era o TEMA. ¡Claro que existe a prosa poética!!!!
"elemental amigu Chitu" un alumno de primeiru de ESO o sabi.

O tema parti de o siguienti:

Que tu me calificasti de "poeta" y ei te dixi que nun dibiamus usar esa palabra SAGRA de maneira gratuita.
Valoru y resaltu a tua generosiai y extraordinaria bondai, pero a palbra POETA nun debiria ser utiliza de forma mecánica.
Por sorti o desgracia nun soy poeta. SOY un viciosu da sua lectura.Que solu aspiraba a conquista da inocencia y que o dia que o consiguira entonces siria POETA aunque nunca hubera escritu niñun poema.
Te idia "seamus serius, Chitu" que por o feitu de escribir en versu nun significa que un sea poeta. Te viña a idil que si tu tuveras o habitu da lectura de poemas, entoncis o teis juicius tindrian certa validez. Tu dogmaizas con "(...........Si a mi unha coisa me pareci poesia, aunque solu sea en esi instanti....He ditu"
¿Cuandu adquiristi o tei ultimu libru de poemas? ¿Entre os teis habitus de lectura, entra a POESIA?
logu si nun te "entrenas" en a sua lectura cumuu pois opinar sobre o tema. Otra cuestion son os gustus y sobre as tuas valoracios SUBJETIVAS respecto a Creacion poética:
Si tu lees un textu y nun te pareci que sea poesia, ¿nun o será
aunque dispois os criticus literarius cualificaus digan que si?
Si o tei uiviu nun esta entrenau pa escutar musica clásica sera dificil que coñozas a Mozart. ¿Non?

Y e que alguhos concibin a poesia cumu un excesu, comu un luju, y nun cumu unha simpli via de cuñucementu, boa muestra de istu e a frasi de Adorno: "¿Como escribir un poema despues de Auschwitz"?
Ei creu que nun se poi matar a esperanza en os seris humanus utilzandu precisamenti cumu excusa a poesía, pur isu parafraseandu a Adorno siria mais correctu idil:"Dispois de Auschwitz -afortunamenti-
inda nos quea a poesía"

DEDICAU A TI, CHITU, amanti da boa mesa, do cini, musica...
Y sobre too de ITALIA.

SONETU DE REPENTI A OUVIR "MANON LESCAUT"

Un sonetu me manda fer Puccini
Que me lanci un capoti Mazantini
porque veu mal, por Rosselini,
torear os cuartetus. A Bertini

me prepari unhos boos tallarini
y en seis trucus me envolva o Gran Houdini
y que empurrii, danzandu Paganini,
o Luna, o Pecci, o Borgia y o Montini

Que me ayui o barbeiru de Rossini
a apurar os tercetus, que Bernini
extasis me produzca, por Fellini

Y que a ouvir meis versus Pasolini
mui os uccelaci en uccelini
¡O abra pa sempris Sabatini!

Bos dias.
Chenchu.

¡ Que non Chenchu que nun me baisu do burru aunque sea Plateiru y teña o pelu tan suavi y to isu ! Certu que nun teñu tempu de lel poesía, ya leu otras mutas coisas, como sabis, y teñu que esperal a vacacios paa leel agún libru, dos bos que hay agó, pero isu nun quel idel - nun falu ex cátedra ¿eh?- que nun poa califical en a miña escasa formación poética, algu como poesía, pa mi por lo menus. Unha posta de sol,de de esas do lugal, cuandu nun se ha diu a carrunchela en to dia y se escondi por Purtugal, colorau, colorau , creu ei de vergonza, por nun habel siu capa de tiral con a nuvi duranti to dia, poi sel unha imagin poética, unha poesía. A isu me refieru ei, y aunque nun se he poeta por escribil un versu o un párrafu en prosa, si hay sintimentu,ei puyu idel que e poesía y un criticu literariu, como tu didis, con mais autoriai, quizás non. Gracias por o sonetu, un poiquitu influiu por o do Geniu, pero vali. Hasta mañan. TE salua Chitu

Chitu:

"Si a mi unha coisa me pareci poesia aunque sea solu en esi instanti o que a creau e poeta. He ditu"
En esi "he ditu" hay dogmatismu, a isu denomimu que falas "ex-cátedra"

Si a ti un textu ten apariencia de poesia ¿E isu poesia?

Chitu, que falabamus de a palbra escrita y nun de POETICAS.
¿Falamus da noiti perfecta de juliu, de as estrelas puras, do ventu calidu, do rumor do pinar, do cantu dos grilus,da a meludia delicadisima y sublimi que crean ? ¿Falamus dos arquetipus que se repiten en caisi toos poetas y de a que brota o manantial de a sua futura inspiracion: naturaleda (ante too); as cancios, as melodias y contus primeirus; os ritus religiosus, os enigmas arqueologicus y legendarius, a enfermeai y os mortus. A sua vez, recordu -ya dentru do tema de a naturaleda- os siguientis subarquetipus:
o arau entreabertu a terra fresca, as fogueiras y os seis aromas, as estrelas, os rebañus, o perfume da terra dispois de chover, as aguas fluviais o marinas.?
¿Falamus de unha experiencia real que nos revela aspectus da condicion humana? ¿Falamus de comunicacion, de verdai ante too aunque faya danu a os demais o asi mismu?
¿Un poema debi servir pa entreter o pa estremecer? pa quitar a venda dos ollus?
Falamus de poñer en orden mutas coisas: os recordus, as sensacios que escapan, unha mira pirdia, o deseu, o amor que se foi.
(.....................................................................)
Too ISTU e POETICA, sí, pero nosotros aqui falabamus de TEXTUS poéticus ben en prosa o en versu.

Evidentementi, sin LOPE DE VEGA nun hubera siu posibli escribir o Sonetu.

Boas noitis
Chenchu

¡¡¡ESTI PARRAL,DA BOAS UVAS!!!.
Soidi.....

!!arrayati un millu!!.(pirupitu canariu a un éxitu.