PA CANCHEIRA (chafarilitus) Amigu CANCHEIRA: Cumu veu que preguntas pur a fonti dos Chafarilitus, te dire que duranti estas Navias di unha volta pur ali con mei amigu Xàlima, y a verdais e que nos do pena vela, a fonti està ali y demaixau limpa. Han feitu a parè nova y han quitau aquel tubu grandi de cementu y han abertu un guecu en a paré pa que pasi a agua, pero o problema e que A AGUA NUN PASA y por consiguienti a fonti està SECA . Encontramus ali o dueñu do terrenu y a version que nos do, era que porque nun habia chuviu bastanti esti anu pasau, coixa que me extraño, porque en o pozu de abaixu queya un bo chorru de agua y digu ei ? nun serà que a o estal tantu tempu acenagà, as aguas hayan cambiau de cauci? Nun sé, porque ei nun soi niñun expertu , solu digu o que e vistu y ojala teña radon o tiu aquel y que cuandu chova mais volva a haber agua. O dueñu do terrenu tamen nos dixu que estaba muy disgustau con esti asuntu y que o tiñan denunciau y parau os traballus , que a sua intencion sempris foi de limpala y queala cumu estaba cuandu acabara as obras de allanamentu de o terrenu que estaba efectuandu . A mi o que me extraña, e que o Ayuntamentu nun estubera a o corrienti de nà , ?e que nun hay que pil pirmisu pa esas obras? Y istu e o que te contu de to que he vistu y uiviu. Bueno "QUE AS AGUAS VOLVAN A SEI CAUCI" Un saluu pa ti y pa tos/as os furistas . Boas noitis : UN MAÑEGU |