San Martín de Trevejo - Cáceres

Reza o ditu popular (poicas vedis equivocau) que en España nun hai pau pa tantu chuirizu. Son tal númeru de políticus corruptus en esti pais que paracin unha plaga de furmigas sendu de o furniqueiru un dia de verau.

Se extendin comu un galopanti e incurabli cancir en cá unha de as administracios públicas. As leyis feitas fragilis a conciencia, nun poin deter o avanci de estis "criminais"; a justicia, que ve claramenti a través de un velu sobri os ollus, se muestra incompetenti pa encerralos.

Si se les descubri y se les acuxa, aquelis que han robau y comprau sua libertai baixu unha fianda de dé. i así mantenin intocablis suas empresas i seis capitais. Mientras os desahucius contra os mais vulnerablis se multiplican, sin ter en conta a condición de ancianus, mulleris embarazas, dagalitus, xenti enferma , tos hambrientus carentis de o primordial pa unha existencia digna.

Estu nunhe sensacionalismu, e a verdai: unha mascara propia de juecis ignorantis, gobernantis disolutus enho ló de a corruptela i bancus enhos que os cacus sintirian vergonza de si mismus. A pio de las dictauras siria menus cruel que esta mal chamá democracia.

Si coñoceis vos politicus pa votarli, debeis votalos, pero nun os dejeis engañar por a demagogia de os bellacus que se movin i pupulan por a politica pa enriquecersi. Acatei as sentencias de os magistraus pero repugnalas si vosu libri albedriu nun has acepta.

SAN PEIRU XIV