San Martín de Trevejo - Caceres

Os amigus,Camiñu,Chitu y Brodas,
as 3X d´esti foru de misteriu,
son as X dondi alumbra o magisteriu
nun normal en os forus y en as modas,

Na de elis me irrita ni incomoda
ni me indudin a pensal que sean tan serius
nun escutu nin palabrus ni improperius
seis mensaxis son pa mi versus y odas.

Son amigus de memorias y consellus
y le gusta recordal tempus pasaus
as manias y as pasiós d´os homis vellus,

E pusibli que estén algu cansaus
y que teñan ya blanquitus os cabellus
o que mintan y nos teñan enganaus.


Hay que leel to o do foru.En relación con a ""Fonti enterrá"" naidi pareci habelsi enteirau de tos os comentarius en versu y en prosa que se han feitu.Hasta falí de que si en o Foru nun había corazón en un puimita que ya nin se dondi anda.Isu hay que denuncialo a Meyu Ambienti porque e un atentau a naturaleda a estética.a ética y a San Martín.E machacal a historia y os sentimentus.

Entonu un mea culpa, por nun habelmi dau conta do desastri da fonti, hasta que nun o ha ditu JL.. Temén e verdai que a vedis, por rados de traballu, miru o foru de refilón. Cancheira, ei por lo menus nun soy tan bellu. ¡ya sairás de duda y te daré un abrazu ! . Voy a ideli a un amigu - pa nun descubrimi ei- que se dirija urgentimenti a Consejería de meyu ambienti pa denuncial tamaña barbariai. ¿O sabin en o Ajuntamentu o que se ha feitu? Deinus mais información JL, Indanunsé o cualquer otru que viva ahei. Un saluu pa tos.Chitu

Nunca pinsí, Cancheira, que alguin fora a idil coisas de mí cumu as que tú didis: que nun te incomodi o que digu, que te inspirin as miñas palabras, que me consideris amigu de memorias y consellus. Mutas gracias. Nunca he pensau mintil y he verdais que agora, pol circunstancias personais, estoy un poicu cansau, tamén me blanquea a cabeza pero nun me consideru vellu, aunque os cincuenta ya nun os cumplu. Ei tampocu sé quín eris tú y a o millol, piol, nun te coñozu. esperu que nos veamus prontu.

E verdais que estis días nun e entrau en o foru y que nun me he enterau ben dos destrozus que están fendu la fonti dos chafarilitus. Agora veu que o que han feitu e algu que por desgracia e muy frecuenti en tos os laus. Desde o foru y desde longi puemus fel coisas cumu o que propon Chitu: denuncial o casu a Junta de Extremadura o a o Ayuntamentu do lugal que algu tendrá que idel, o a o responsabli directu do danu que está fendu a fonti. Quizá os que están en o lugal poyan orientalnus p'a que apoyemus o que elis crean que é o mais efectivu.
Bos días.

Cancheira: Nunca he puiu pensal que as miñas palabras, os meis escritus pueran dar lugar a u n sonetu. Oxi veu que hay otru. Gracias. Certu é que me gustan as coissas que fideran nossus ancestrus. Tu sabis que os lugaris que ulvían sua historia están condenaus a repitila.
Agora he voltu do retiru que fidi. Escribu más ayantri.

Creu que agora é hora de trel esti sonetu a palestra otra vé.

Cuandu o fidu Cancheira, descuñucía (creu ei)a identiai dos tres, pur isu nos chama AS TRES EQUIS.

Cumu agora ya se coñocin algun-hos de elis, se ve que Cancheira tuvu mutu ollu, aun sin identificalnus.

Fala de magisteriu y, al menus dois (que ei sepa) se dedican a docencia.

Fala de blanquitus cabellus, con o cual ha dau en o clavu, y tamén fala de amoris por memorias y consellus.

Ignoru si Cancheira sabi agora a identiai dos tres. Sí sabi quin soy ei, que estuvi falandu con él otru día; pero, a o mismu tempu que le deseu una pronta recuperación, le fe felicitu por o olluque tuvu, y que me imaginu siguirá tendu.

Un abrazu

BRODAS