San Martín de Trevejo - Caceres

Dispois de dali un repasu a os escritus,lixeiru pos o tempu apremia,me sumu otra ve a os comentarius con ésti muy particular.-Nun creu que desde o Foru con as suas caracteristicas de ocultación de identiais,circunstancia ésta prupicia pa o xiugu en o que estamus y cambius de pareceris,noticias y comentarius sea o canal mais adecuau pa dirigil escritus reivindicativus a niñun-a Autoriai local,administrativa,ejecutiva o judicial.Nun e seriu por supostu que en cualquel centru se reciba un-a petición avala por "Sacamantecas","O tapau","Chitu""Indanunse",","Viriatu","figueira" y un montón de seudónimus que cain hasta en o cómicu,comu o de " Oh,homi do sacu!,con o que se evidencia o espíritu jocossu y brumista de os personagis,que estan baxiu ésis seudónimus.
Pensu que se puia fel o siguienti:Creal un grupu gestol que recollera escritus individuais con datus personais identificativus,sin que tuveran que aparecel os seudónimus,y ési grupu os canalizara a o Ayuntamentu,sin que sea condicion "sine qua non" que repressentin a o Foru.
En cualquera cassu me poñu do lau dos que defendin a teoría de o pasu pero nun o aparcamientu.Tamén quea o recursu de "VADU" que ca un poi gestional personalmenti dacordu con as suas circunstancias.
Esti e un problema de tos os pueblus y ciais que en o nossu repercuti
muy candentimenti por a estreché das callis y as condiciós do lugal que son especiais comu e o lugal mismu," especial".
Un abrazu pa tos y a siguil comentandu, sin "acritú", que diría Filipi.