San Martín de Trevejo - Caceres

Hasta os que estamus lonxi de a pulítica puemus ouivir o ruiu i o alborotu levantaus en tornu a secesión catalana i otrus asuntus de a máxima importancia pa o futuru de os españolis. Pero é que ni siquera o mais trivial problema escapa a polémica en esti pais. En meyu de esti bulliciu, nun coñozu forza política que nun sea capá de defender as ideas mais extravagantis i de pintalas con os coloris mais favorablis, con tal de gañal prosélitus. O certú é que cualquer homi juicioxu percibi o poicu fundamentu que tenin, o que nos leva a o escepticismu mais radical.

Ilustraré esti mensaji con as famoxas palabras que o Inmortal Don Quijoti le dedicó a os cabreirus: "Dichosa edad i siglos aquellos a quien los antiguos pusieron nombre de dorados, y no porque en ellos el oro que en nuestra edad de hierro tanto se estima, se alcanzase en aquella ventura sin fatiga alguna, sinor porque entonces los que en ella vivían ignoraban estas dos palabras lo tuyu? i mio? Eran en en aquella santa edad todas las cosas comunes." (El Ingenioso Hidalgo........I, XI, Espasa Calpe, Madrid, 1960, pagns, 60-61)