San Martín de Trevejo - Cáceres

Munumentu memorial:
Desdi o emprazamentu dundi s'encontraba, o Cerru da Manta, se ten un
bo control visual, tantu da entrá ao val puru norti, puru portu de
Santa Crara, cumu pâ o sur, tamén desdi aqui se cuntrola ben o pasu desti curreol natural, Alfonsu X o declaró via pecuaria ( curdel )
pâ o pasu do ganau trashumanti.
De norti a sur, ven pora calzá da parti sur de Xálima entri os terminus
do Adebu i Sâ Martin, vai pora parti d'atrás do Moncalvu hasta Vilamel,
esti portu se chamaba do Hucinu, Jucinu na lengua curita o vilhamienga.
Pora altura da cumbri de Vilamel empalma cum'o carril dos Ferreirus i tô pâ baixu puras Contendas vai a parel ao miraol do Cabezu.
Eno Cerru da Manta s'encontró a estela, poi sel munumentu
memorial d'algum'a batalha ganhá ena zona, As Contendas, guarda boa relación cum istu. caminhu da Contenda.
O grabau, representa eno meiu un escú escotau in V en seis tres circulus exterioris i sin ela eno do interiol, um'a lanza i um'a espá, dispostas en paralelu i franqueandu simétricamenti o escú.
A dereita hai um grabau cum forma de discu que ten um largu mangu,
cumu si fora um'a maza u honda, algu de volteal, tamén hai quem di que poi sel um espelhu, istu últimu num se si 2.500 anus a.c. ia existia,
a estela é sin duda, celta.
Foi falhá en pusición vertical i caisi totalmenti cuberta pur'acumulación de capas de terra formás a través dos tempus, o que
pareci indical que s'encontró en sua posición uriginal i eno sitiu
dundi fo'irigia cumu munumentu.

Esperu que tô istu sea de vossu interés.

Soidi pâ tôs i pâ Fala.

Gracias de novu por a información que tan amablimenti nos facilitas y por a faciliai con que poemus lel as coisas que nos contas, por que aqui, en o foru, aunque nun teñamus tempu de na, pues leemus ¡ Que viciu!. To merecis, redordami que te inviti a pichorra.....Bueno nun fai falta, ya sabis que ca ve que paseis por ali y esté a porta aberta, nun tes mais que entral que o vasu dirá de inmediatu a tua man.Un saluu pa tos.Chitu.

Boos dias Nachitu:
Hay que siguil animánduti pa que nos saquis información de nosus antepasaus de o lugal, porque hay que vel o ben que nos explicas y comentas, en esti casu de a "Estela".
Ei estoi contigu en o que relatas referenti "As Contendas", palabra que debi resumil a "Os contendientes", e idel, que hubu algunha batalla en o lugal chamau "As contendas".
O de a "Trashumancia", ei e cuñuciu que cantiai de pasturias de ovellas, viñan tos os anus, de Castilla, baxiandu pol o portu de Santa Clara, calzá de o soitu, atravesaban o lugal y divan a paral pa "Torramata"; istu se feya final de mes de eneru/principius de o febreiru, cuandu se acababa de recollel a adituna y logu regresaban pol o mes de mayu, mais o menus.
Soidi a Fala, Mañegas y Mañegus.
Chalrrieira.