San Martín de Trevejo - Caceres

Nun coñozu o programa electoral do PP/PSOE/ Podemos/Cs/ IU pa o nosu lugal

Desde aqui fairia campaña por o candidatu que en o sei programa incluyera quitar
os macetos da plaza.

As encuestas pa Comuniai de Extremadura dan o siguienti resultau:
P.S.O.E = 29 diputaus
P.P = 26 "
Podemos= 7 "
Cs = 3 "

Boas tardis

Me apunto a esa magnifica idea, ie tamen a fairia aunque fora un partiu dos que mas me repelera o programa, si levara isu en él, propaganda a favor ¡ya esta ben de que a plaza siga tan fea e invadia por cochis aparcaus en ela¡ cruzl por ela si, estacional, solu pa carga y descarga.Soidi pa tos, Chitu.

Ni casu, pintamus muy poicu. Cumu nun esperan o nosu votu.
Con os problenas que hay en o nosu lugal, o paru sobre to, que nun sé que puiria
fer o ayuntamentu, o dos macetos debi ser pecata minuta. A cultura y o deporti,
Unha boa biblioteca con un extraordinariu bibliotecariu y con tan poicus lectoris.
Campña en pro do habito lector. Teatru popular...ajedrez, pin pon..En fin, recuperar
o que ofrecia a OJE, que nosotrus chamábamus a Falangi.
Pa os jubilaus ¿que se les
ofreci?

Leu que Monago prometi jazz y "hip-hop" rock en as aulas extremeñas. Estuvu en o
bar de Manolo Chinato o letrista de Extremoduro, en Béjar y entre copa y copa se
prometin mutas coisas. Cual sería o presupuesto? Con 25 horas lectivas a semana.
que asignatura eliminaria para impartir esas materias. Quin confecciona o programa
pa o alumnado de primaria? Hay profesorado preparau?
Por favor, seamus serius Sr. Monago...no prometa algo que sabe no va cumplir.

boas noitis.

Sugerencias y na originais:
Os mañegus debirían exigirr un plenu a o trimestri en plena plaza dando aclaracios
sobre os ingresus y gastus municipais. Con dereitu a voz en RUEGOS y Preguntas.
. Creacion de un parking por a entra do forti, por a discoteca hay terrenus pa felo.
Solamenti puirian aparcar en pobación os residentis. De esa maneira os macetos
desaparecerian.
. Subencios a rehabilitación de viviendas.
. Desde San Peiru hasta a piscina natural sendeiru por o riu. Pasear por ese paraji
natural siría a maneira que o mañegu valorara o entornu natural, que disfrutara
do riu y nun vivir a espaldas do mismu.
. Librus de textu gratuitus pa os fillus dos paraus. Becas de comeor escolar.
. O futbol sala dibiria ser unha prioriai pa juventud...protegelo, mimalo.
. Un concejal dibiria responsabilizarse, organizar o regadiu con a agua da villa
pa os regadius duranti os mesis de julio y agostu.
. As festas de agostu: apenas si se organizan activiais pa os dagalitos de 6/12 anus
y de 14/16. Pa os jubilaus nun se programa na.

.............................................................................................................
................................................................................................................
.................................................................................................................

pa quin queira expoñer a suas ideas o propostas.

Que haya muta participación y que transcurran as eleccios con paz y armonía.
Boas tardis

Dispois de tantus anus gobernandu o PSOE pasa a oposición en San Martin.
Carlos do PP ha gañau, Enhorabuena!!

Que en a comuniai de Extremadura haya gañau PSOE, asi cumu as Ellas, Valverdi
y Vilamel y en San Martin, non, alguha explicación debi ter.Máximu ha siu un bo
alcaldi: Restauración do conventu actual Hospederia, Geriatricu, Tanatoriu, as
dependencias: ambulatoriu, guarderia, gimnasiu, Sala multicultural, o bar/restaurant
da ermita de san Cristobal etc.etc. Ha deixau o ayuntamentu sin deficit. ¿Por qué ha
pirdiu o PSOE, entoncis? A "culpa" vistu desde a distancia a ten él. Agrupación PSOE
nun existi en o lugal quin mandaba era él y o error ha siu nombrar a sei subriñu,un dagal
traballaor y honestu, sei sucesor. A genti a interpretau que seguiria goberrnandu en a
sombra. Máximu ya cometei un error que logu rectificaria cuandu en as eleccios
do 2011 colocó a sua filla de númeru dois. A endogamia sempris se castiga.

Si comparamus os resultaus de estas eleccios con as de 2011:
PSOE: 266 votus. PP: 241.

20015: PP: 299. PSOE: 273. Observamus que o PP ten 58 votus mais y o PSOE:25.
Sin duda a myor participación y os novus votantis han castigau a o PSOE mañegu.

Carlus participaba en esti foru en os seis inicius con seudónimu de un personaji
históricu, le animu a que utulici esta pequena plataforma y expoña cumu
pensa levar a cabu o sei programa electoral.

PSOE que faya oposición que analici as causas da sua derrota.
En as eleccios municpais se ten mais en conta a o candidatu que a o partiu, y
en San Martin os mañegus se han inclinau por quen pensaba estaba mais preparau.

Os macetus continuarán en a plaza, nun habrá cambius.

bos días.

Estaba sei subriñu capacitau pa sel alcaldi do lugal?

Por supuesto estaba capacitado, estará el nuevo ALCALDE que a salido ahhh, no sabemos

Creu improcedenti esa pregunta. Está Carlus preparau pa ser alcaldi?
si o pueblu soberanu o a votau pos claru que estará. Cuandu Máximu chego
a o ayuntamentu estaba preparau? un alcaldi ten que ser transparenti, que sea honestu,
y nun fai falta que teña un expedienti académicu brillanti.
Nelson Mandela estuvu
en a carcil mais de 20 anus y sei da ala pa convertirsi en presidenti de sudafrica.

Luiz Inacio da Silva "lula" en o 2002 foi eligiu con 52.400.00 votus presidenti
do Brasil y apenas si sabia leer y escribir y dixu en a toma de posesión:

"E eu, que durante tantas vezes fui acusado de não ter um diploma superior, ganho o meu primeiro diploma, o diploma de presidente da República do meu país"

José Montilla expresident da Generalitat solamenti tiña os estudius primarius.

para ser buen alcalde hay que ser honrado y mirar el bien del pueblo ¿se conseguira en san martin de trevejo?el tiempo lo dira

Enhora buena pa o novu alcaldi do lugal, que teña mutus acertus en o sei mandatu y que tos vayan en beneficiu do lugal ¡Ah! y que suprima os macetos de plaza.
A honestiai, como se idia en la mili pa o valor, se le supón a to mundu, os feitus de aquí pa yantri nos darán luz sobre ela.Ya sabeis, to mundu e honestu y bo mentras nun se demuestri o contrariu, ago le toca a Oposición, si hay algún desaman, frenal aquilu que nun conveña.
A democracia e asi, o Pueblu manda y e soberanu, asi que, o ditu, felicitacios pa os que han gañau y sorti. Soidi pa tos.Chitu

Boas tardis,

O lugal a falau, y a decidu que dispois de 20 anus de excelenti alcaldia de Máximu, duranti a proxima legislatura goberni o PP en San Martín.

Creu que nun a siu un acertu, mais que na porque nun creu que o novu alcaldi vaya a sel una persoa transparenti, tos sabemus as trampas que ten por tos os laus, perras a debel, mintiras, etc... que voy a contal que nun se sepa, con que a vel que fai con unn poicu de poel en as mas. A istu se le añadi que o intental accedel a alcaldia de a forma que sea, ya didi mutu de alcaldi; Carlos se ha presentau por o PP, por o PSOE, por listas independientis ¿con que idelogía vai a gobernar?¿que politicas vai a utilizal?.. se dirá vendu. De tos os mos, cumplil o que leva en o programa que me ha chagau nun le costará mutu, son 7 coisas, algunas de elas ya con as perras sobri a mesa.. O que si le vai a costal e asignal agora tos os postu de trabayu que a prumitiu por o lugal segun teñu entindiu, postus agora misma cubertus, Centru de día, oficina de turismo,... y asignación de as obras publicas a un mismu contructor que vai en su lista.


En cuantu a o PSOE, en a oposicion duranti os proximu 4 anus: A Angel nun o coñozu mutu, o que si se e que nun ten na "osuru" do que se poa falal; En cuantu a que o colocó Maximu pa siguil gobernandu en sombra ¿se habría voltu a presental él, no?, nun le encontu sintiu a esa hipotesis... se lo preguntaré cuandu vaya por o lugal.


Esti anu en a junta y en a diputación ha gañau o PSOE, por o que creu que en esi aspectu tampoco vai a favorecel a o lugal a victoria de o PP.. por tos e sabiu que sempris le vai millol a o ayuntamentu cuandu goberna o mismu partiu que en CCAA y provincia.

Bueno, por miña parti e to, solu esperu que nun esfarrapi mutu o Ayuntamentu y que o que se ha consigiu duranti estis anus nun se perda, que somus un lugal envidiau en mutus rincos.

con to istu, queru señalal que me basu en os comentarius fiablis que me chegan desde o lugal, de llenti muy muy cercana a o PP y muy muy cercana o PSOE, me gusta contrastal a información, y o que me a chegau por parti de o PP nun me gusta, forma de fel campaña, promesas que nun van o poel cumplil.... De igual forma, idel que o PSOE se a cunfiau, y que dibiria habersi muvilizau mutu mais.


Nos vemus prontu por o lugal, y se rumorea que con fachas novas pa mutas casas¡¡¡


Un salú paisanus.

To que didis de Carlus to creu: que estuvu en o PSOE/ PP/ ..a genti o sabía
y o ha votau. Ha siu o PSOE que con o bo traballu que habia feitu en o lugal
quin ha pirdiu as eleccios. Creu que a Garcia Chelo, que había feitu boa oposición
se miricia millor que ésti a alcaldia. A pregunta que me formulaba
era por qué ha pirdiu o PSOE. Muy fácil de entender:Maximu nombra a sei sobriñu
que tu "un mañegu" coñocis muy ben, y os mañegus han intuiu que en a sombra hubera estau o ex-alcaldi.
"De igual forma, idel que o PSOE se a cunfiau, y que dibiria habersi muvilizau mutu mais" didis - quin e o PSOE en o lugal? Quin nombró a Angil
primeiru da lista? Máximu. Se castiga e endogamia.

En san Martin as autonómicas foran asi:
PSOE: 282 PSOE. 35 Podemos. 14 Ganemos-IU
6 Cs. 3 Vox. PP= 237 votus. Logu San Martin vota esquerdas. Le gaña a o PP por
94 votus si sumamus os de PSOE/Podemos/Ganemos-IU. Logu con estis datus poemus
idil que ha gañau Carlos y nun o PP.Han valorau mais a o candidatu que a o partiu.

"un mañegu" me ha gustau o tei escritu y animarti a que sigas participandu.
y me gustaría que me responderas: ¿Por qué nun se retiran os macetos? Ves viabli
a construccion de un lugar de aparcamento fora do cascu urbanu?

boas tardis.

Bos dias,

Bueno chenchu, si dids que Máximu diva a estal en a sombra, e porque sabis algu mais que ei nun se... de toas as formas, nun apoyu a tua opinion, ya que si maximu leva 20 anus ganandu as eleccios, nun entendu que se castigui o de "estal en sombra", entendu que si sei sibruiñu tuvera alguna consulta, duda, necesitara un conseyu ¿porque nun preguntali a a alguen que a estau 20 anus en o frenti de ayunamentu fendu una boa gestión?¿vos nun o fairiais? ei si.Insistu, si Máximu hubera quiriu siguil en a alcladia, se hubera presentau. Nun se si pois añadil algu a istu que se me escapi, nun e tiu ocasión de falal con él.

En cuantu a o que didis de Consuelo, estoy deacorudu, boa oposición y ´si alguen ubera tiu que gañal con o PP habría siu ela... pero a democracia y libertai de votu manda, o lugal nunca apoyo o sufienti as suas candidaturas (creu que o problema e que nunca levo boas listas), pero por ela estuvu ben feitu o trabayu.

O que nun entendu y nun me cabi en a cabeza, e que alguen de o PP, PSOE, poa habel votau a un candidatu que a yugau con tos os partius pa chegal a alcaldia... nun me veu a una Consuelo Garcia, Doña Mili, Usebiu, vacas...(son ejemplus de votus do PP de toa a via) votandu a un Carlos que se presentó en o sei día por o PSOE; de igual forma nun entendu que un socialista haya puiu votal a Carlos.. ¿que politicas vai siguil? creu que a yenti un a valorau esi tipu de coisas.. Me empezu preguntal que conceptu que candidatura e idelogias politias hay en o lugal.. Chencu, nun se ha votau a o candidatu, se ha votau as promesas de o canditau que nun vai a poel cumplir, ejemplu: a primitu a varias persoas o mismu postu de trabayu, reahabilitación de fachas sin coste, ... ¿que opinas/opineis?.. habrá que esperal pa valoral.

Nun se que en Inocenti, pero si, cara dura soy un ratu¡¡ pero no, sintu idelti que nun coñozu mutu a Angel, que mais me gustaria que idelti que si , esperi felo en o proximus mesis.. por sorti o por desgracia nun coñocemus mutu de esi dagal.

En cuantu a os maceteirus Chenchu, en miña opinion están ben postus en a plaza, creu que e una boa forma de separal a parti peatonal de a de circulación, ¿que pundrías tu en o sei lugal? hay que propoñel coisas a parti de criticalas, y tu eris un tiu con fundamentu¡ esa separación de a parti peatonal de a de os cochis hay que fela, a yenti si nun hubera na nun o cumpliriamus ¿prefieris una barreira? ;), e broma¡.
Nun se si as tiu ocasión de vel un vidiu que a feitu o PP de certus cambius que quirian fel en o lugal si gañaban, o vidiu esta en o Facebook, pero te ayantru que en concretu en a plaza os maceteirus siguin, y ponin mais¡¡ querin dali a o lugal un toqui Mouline Rouge¡


Que teñais tos bo dia¡ un salú

"un mañegu"

Digu y reiteru que o votanti mañegu ha intuiu que Máximu estaría en a sombra.
Resulta
logicu pensar istu. Si e blancu y vai en botella, ¿que será? Quin o nombró? O mañegu nun e tontu y ha pensau que siria "a voz de sei amu" y nun ha castigau a o PSOE, puesto que voto en as Autonómicas por mayoria: PSOE: 282. PP: 237, castigó a quen fidu esa chapuza.
Tu nun analizas as causas de por qué o PSOE ha pirdiu a alcaldia. Que Carlus
nun cumplirá o sei programa electoral? isu ya se verá...pero resulta mais facil gañar
as eleccios desde o poer que desde a oposición y a o PSOE le espera unha dura
travesia. O PSOE en San Martin nun existi, Maximu nunca o a tiu en conta. Ha siu
tamen muy autoritariu y na demócrata y nunca se ha preocupau de agrupacion
local. Unha pena que nun haya estau Victorianu "Buli" é o que pisa a realiai do lugal,
a coñoci y sabi fer un análisis objetivu da misma.
Máximu e o responsabli de esta derrota y a genti nun ha tiu en conta o bo traballu
feitu.Nombro a sei subriñu cumu si fora un monarca e isu e un error garrafal.
¿Que hubera pasau si se hubiera presentau él? A historia fala de feitus y nun
de hipótesis.
A quen se le ocurri poñer a sei sobriñu, bo dagal sin duda, honestu, pa que sea
eligiu sei sustitutu? Que Máximu levaba mutus anus, 20 y era hora do cambiu,
o comprendu, pero esa creu ei ha siu unhas das rados.
Carlitus nun cai ben en a familia tradicional votantis do PP y mutus o hayan
votau tapandosi a nariz porque sabin que é un camaleón. Minti cumu respira, pero
PSOE ha pirdiu. Por qué?
A Serra de Gata ten alcaldis socialistas, hasta Moraleya y San Martin é pepera

Sobre os macetos...de acordu son rados y tamen evitar que poyan aparcar en a plaza.
O turismu ca ve mais va a ser fonti de ingresus pa o nosu lugal y esis macetós
estaras de acordu, rompi a armonía, a belleza da plaza. Paseati por pueblus y ciais
y ca ve mais callis y plazas estan pa os peatos y nun pa os cochis. Que a plaza solu fora
pa cruzala de de arriba a baixu siria millor que cumu está agora. Unha media mais
radical y quizas agora nun fora viabli siria prohición total de aparcamentu en o cascu
urbanu, y pa isu dibiría construirsi un parking a entra do lugal.

Agradezcu o tonu respetuosu do tei mensaji y te expresas con muta clariai.
Bos dias

"un mañegu"

Me chama a atención o ben que escribis francés
Acasu has traballau en Francia?

Nun coñozu o programa electoral y as promesas feitas por o PP do lugal
tu as enuncias, pero nun as desarrollas. Me puirias informar qué
prometei y segun tu son de impusibli cumplimentu?

Ei partu que PSOE perdei por seis erroris y tu que nun entendis que
o hayan votau ciudadanus de esquerdas. En as eleccios municipais poi mais
o candidatu que a ideologia, por otru lau a dereita e muy fiel a sei votu "é dos nosus"
sea quin sea. A esquerda sueli ser mais crítica.

Esperanza Aguirre faya o que faya a votaran y nun le tenin en conta o tema
de Hacienda, Granados o López Viejo. son do barriu de Salamanca. Gaño a
a Comuniai, por a traición de Tamayo y Saéz. A esquerda e mais critica...

Ben miriciu so ten IU que ha desapariciu de Extremadura.
Pur isu o PP é o partiu mais votau o sei votanti fairia o mismu: "
se está en politica pa forrarsi"

A Angel nun o coñozu mutu,
Hay que joelsi a caradura que tes.

¡¡ostrinn!! me alegra leerti
pero nun entendu na, puirias extenderti un poicu mais.

Benvinda "inocenti" tu tan poicu inocenti, to digu ei Inocencio.

Purque viviu muy intensamenti os primeirus momentus de Máximu,purque he cuñuciu con amistais y aprecius a mutus dos mandus que en toa época sua ha tiu,cuandu teña tempu,analizaré y pondré sobre tapeti o papel extraordinariu y puntual que pa San Martín ha supostu esti periodu que creu que num ha sabiu rematal a o querel perpetual en persoas cercanas y sin curriculum demostrau,esis valoris que pa un lugal cargau de historia y de un-os valoris culturais y urbanísticus o nosu lugal,admirau y piropeau pur toos os que nos visitan mereci.
De Carlus,o novu Alcaldi solu sabría contal o que a yenti do lugal que pur sel netu de don Angil o Buticariu y sobre too,os de edais avanzas, sabriamus analizar.Que haya siu independienti,do PSOE y agora do PP nunca o entenderé ,salvu que sin escrupulu niñun,haya serpenteau hasta cunsiguilo.
Soy mañegu,sintu y latu desde Sevilla o que ocurri en o lugal y de él a gritu Pelau a o pe da Giralda o he manifestau.Total respetu a decisión mayoritaria que o día 24 o lugal manifestó.Solu piu a os novus dirigentis,honrade,traballu ymiral a toos pur igual.San Martin mereci sel tratau con mimu y respetu. Si así o fain,contarán con a mayuría de mañegus que tamén desde fora FEMUS LUGAL.Gonzalu

O que fai falta e que carlitus sea un bo gestor y creo que si nun a si capa de gestionar as empresas que a tiu nun se si bai a felo en o lugar

Carlos María Garcia-Casillas Jiménez
será alcaldi de San Martín porque asi o han decidiu os mañegus
vamus a dali cen dias y entoncis fairemus unha valoración.
Que sea bo gestor -didis- que sea transparenti,coisa que dudu,
pero a OPOSICION está pa controlar y vigilar que se fain con os
fondus publicus.
Afirma que e Ldo en Ciencias Empresariais. Universidad de Salamanca,
(coisa que dudu) logu debería ser un bo gestor.
Me gustaría coñocer o sei programa. Que as fachas das casas serán
pintas con os fondus públicus: en cuantu tomi posesión o solicitu.

"Bayitu" por fa...me gustaría saber as promesas que fidu duranti
a campña electoral
Bos días