Recomendacion : "El hambre" Recomendu a lectura do libru de Martin Caparrós, argentinu, "El hambre" Ed. Anagrama. Empeza con a suguieti escena en a que unha muller en un hospital de Niger con sei fillu a espalda pa levalo de regresu a sua casa. O dagal está mortu, mortu de fomi. Durante setecentas paginas Martin Caparrós conta historias concretas sobre "fragelo del hambre" de persoas que vivin en Madagascar, Argentina, USA, India...Quin e culpabli? Caparrós le eita a culpa a medicina occidental, as religios, as ONG, a os Gobernus, a mulleris, homis, a si mismu hasta que nun quea naidi en pe. Os excendentis que habia de maiz agora ya nun exisistin porque o convertin en en etanol pa os cochis. A quinoa chama o "arroz dos incas" un alimentu esencial pa bolivianus y peruanus dondi se cultiva, agora se ha postu de moa en o mundu desarrollau, os preciius han subiu con o que mustus de os seis consumioris ya nun disponen de perras pa adquirilo. Os hambrientus, que segun Caparrós le sobra a o capitalismu ni siquera se poin desplazar a regios dondi nun hay fomi porque nun les quea forza pa felo. Comparandu o que gaña Messi/ Ronaldu con unha persoa ben paga en Ruanda (tres euros a o dia) o ruandes tardaria, segun calculus de a BBC web ( . uk/news/world-31110113) 23.126 anus en gañar o que estis futbolistas en 12 mesis. Naidi fala de istu, de ests injusticias, de esta "Casta" Si os poilticus falaran de istu nun gañarian as eleccios. bos dias |