POR CAMIÑUS Cuandu nacemus, siguimus camiñus do airi. En adolescencia, toos os camiñus son de ensueñu. En a madurez, os camiñus parecin temblar baixu as nosas pisas: son camiñus de agua. En a velle, solu siguimus un estreitu camiñu de terra. Os camiñus do lobu son os camiñus do homi. O dolor nun gusta da luz, nun resisti a luz. O dolor e solitariu. Cumu o lobu. ¿Cúmu se poi sel do bosqui? ¿Cúmu encontral o camiñu que son toos os camiñus? ¿Cúmu encontral un camiñu en que o final nun nos esperi un disparu? "Tardé más y subi menos, porque no tomé la senda..." En o monti escabrosu solemus padecer o destinu de Sísifo. Toa ascensión sueli levar consigu a destrucción. Y, sin embargu, nos quea a sugerencia do misticu: evitar toa altura brusca, buscar en o pinal a senda suavi, desfer o camiñu con dulzura y sin presas. Asi deixa de existir hasta o mismisimu monti. Asi cuaquier lugal da senda e CIMA. Y sin peligru. Camiñus do tei corpu. Precipicius do cuellu, o desertu do tei ventri, os lagus dos ollus, o monti do amor y, en él, a senda. Por ela descendu hasta a noiti. Miña sangri en a cueva. As lumbris do godu.O amor e mais forti que a morti. Pregunta: albas: ¿cenizas? "tira as albas pa o pailleiru? Bos dias. Chenchu.
|