San Martín de Trevejo - Caceres

Os poicus Mañegus que entri brumas vislumbru, rondamus os 70 anus, por tantu o espectacular viaxi de Nunca Jamais se acerca. Si a naturaleda nos evita estar enfermus demaxiau tempu, millor, pues os espectaoris se impacientan insiguia, por a uxual obligación de antendernus i mostrar compasión, dau que a xenti le custa manter esi estau mutu tempu, entoncis pasan inmediatamenti a idil que damus mutu ruiu, i enha midia que os decibelius aumentan se vai poñendu nervioxa, empezandu a argumentar que se nos a agriau o caráctir, con o radonamentu siguienti: ya e vellu i nun temus que siguir extenuandunus con a compasión: por así idilo.

"L'invitation au voyage, en Les fleurs du mal-Baudelaire Allí todo es orden y belleza, lujo, calma y voluptuosidad"

O principiu de o Nirvana-O ceu de os budistas- concibiu nun comu morti sinon comu via. Baudelaire nos dá a imagin de esi mundu en duas lineas.