San Martín de Trevejo - Caceres

SEMPRIS CON A EÑI

Hay que dalsi muta maña
temus que entalar a “o muñu”
si non, a comel agruñus,
dispois de andal por España.
Hay que acosalo con saña,
aunque nos dé poicas señas;
pâ que así se xiunti a “peña”,
con teneol o con uñas,
y comel hasta as pezuñas
arreol d´un fornu de leña

¡Tos xiuntus cumu un-ha piña!
Que ca´ún d´a sua parti poña,
que naidi se faia o roña,
naidi quel sel un galiña.
Veremus quin o cudiña,
veremus quin pon o viñu
pâ regal o curdiriñu.
Agora mismu propoñu
felo dipois d´esti otoñu
pa logu andal o camiñu.

En época navideña
puemus dilnus pâ o terruñu;
descubriremus a “o muñu”,
aunque poicas pistas teña.
Según a xienti que veña
(alcalde, edil o vidiña)
habrá que trel desde a viña,
un chivu de bô tamañu.
A ver si ei mismu me apañu
y a festa tamén é miña.

Cumu nun puía sel menus, vaia desde aquí miña (tamén con a eñi) felicitación a Merche y toas as demáis Mercedis que lean esti foru.
Tamén pâ os Gerardus, que(aunque en segundu términu), celebran sua onomástica.
BOAS TARIDS.

B_RODAS

Brodas eris un artista,esperu que cuando os detectivis de o foru me entalin nos riamus un rato,se que o viñu que tendre que leval sera do millor,pobri de mi si nun.
Forti abrazu

Brodas e increibli a faciliai que tes de improvisar y fel una poesia comu esta, comu didi o muñu eris un artista.CHAPEAUX.un saludo.

Estimau amigu Brodas:
Hay que siguil quitándusi o sombreiru y descubrirsi, ante tí, pa leel esta poesia en "décimas", y vel que a "vergulilla",e muy importanti; e idel "o trazu de guión turciu que vai encima de a letra "ñ".
Ademais e muy interesanti a "ñ", porque os intindius en "Ordenaoris", quirian quital esi guión de a letra "ñ", entoncis nun puiria sel esta poesia y pol ejemplu: "España" nun soaria ben y diria "Espana".
Reiteru a o Artista-Poeta "Brodas", que nos siga deleitandu duranti mutus anus con estis poemas. Gracias
Soidi a Fala, Mañegas y Mañegus.
Chalrrieira.

Rectificu:
Queru idel "Virgulilla".
Chalrrieira.

Boas noitis a tôs.
¡ Genial parenti, genial !
Ia me gustaria verti eno fistin, pos fai anus que num nus vemus.
Esti verán, Dorotea me confeso que nus lee tô cuantu escribimus.
Vaia pâ ela i pâ cuantus nus leen, mei máis afectuosu saluu.
Soidi pâ tôs i pâ Fala.