San Martín de Trevejo - Caceres

En reunión extraordinaria a JLRFA.,y en o dia de ayer, ( sin repasteu) y siguindu con o acordauo se revisó concinzudamenti o expediente de CHENCHU, por ser o siguiente mais abultau, dandu o siguiente resultau de puntus a favor:

Por ser LANDIÓN LANDIÓN, 5+5 puntus. Por ser fillu de LANDIÓN, 5 puntus.
Por ser netu de LANDIONA,5 puntus. Por ser LANDIÓN y ademais MONTES, 5+5 puntus. Por ser mañegu 100x100, 5 puntus. Por saber falar de aca, ben y forti, 5 puntus. Por saber falar de pala, 5 puntus. Por dominar a catalana ( a lengua ) 5 puntitus, Por
chamalsi D. Inocencio Martín Montes y toa xenti le chama CHENCHU arrastrando a U 5 puntus, Por aproveital en unhas vacacios pa dilsi a Cuba a ver monumentos y tocalos, 5 puntus. Por ser aguelu 5 puntus. Por ser o pairi de Leticia. 5 puntus. Por dal a cara cumu nairi en o Foru, 5 puntus. Por nun ter seudónimu, 5 puntus. Por nun seli un gran en a nari por o asuntu con o alacaldi, y que to queo en agua de borrallas, 5 puntus.
Por ser un bo Filosofu, 5 puntus. Por ser poeta aunque nun o queira recoñocel, 5 puntus.
Por o empeñu que le pon pa aprender Francés a estas alturas, 5 puntus, Por o tardi que se eita, 5 puntus, Por ter o millor arti pa rascarsi a cabeza, 5 puntus. Por os gorranadus que le an dau, 5 puntus. Por estar en contra de a instalación de os “mulinillus, 5 puntus.
Por ter pachorra (rectificu) pichorra aunque sea a meyas con os cuñaus, 5 puntus.
Por o calor que paso por as callis de Cáciris, con y sin maleta, 5 puntus.

Dispois de comel, se continuo, con os puntus en contra.

Por tel duda de a eficacia da VIAGRA, 2 puntus. Por chamali NOTARIU a JL 2 puntus
por poñel a parir a mais de cuatro, 2 puntus, Por sacar os pes de a cazuela cuandu le a dau a gana.2, puntus. Por a trafusca que ten monta con CANCHEIRA que ten a to
Foru preocupau, 2 puntus. Por metelsi con con os chinos sabendu as mafias que tenin, 2 puntus. Por recomendar que se lean librus que valin un collon, 2 puntus. Por aproveital en unhas vacacios pa dilsi a Cuba ver “monumentos y tocalos”, 2 puntus. Por nun saber anal y guardar a roipa, 2 puntus. Por nun tel, n.p.i. de o que unha máquina de C.A, 2 puntus. Por pexal bastanti, 2 puntus. Por utilizar demaxiau a palabra CHORRAS, 2puntus.Por dexalsi influenciar, 2 puntus.

A propuesta de un miembro de a Xunta se acordo compral unha apea

Vendu resultau apabullanti de puntus a favor, o S. CHENCHU poi continuar animando o cotarro en esti sei Foro,aunque se le fain a siguientes recomendacios.

Que se tomi en ayunas duas cucharas sopeiras de HUMORCIL FORTE, hasta que empeci a notar milluria, Que se lea as BIENAVENTURANZAS. De Catecismo Cristiano del P. Astete Vilariño. Edición de 1942. Que dispois de comel se redi Unha Salvi dois Padrenuestus y cuatro Aves Maria (pero to xuntu.) Que nun se le ocurra ni por asomu insultar a o pobri de JL, que leva paus por tos os laus
Cumu ciudadanu de plenu dereitu estas recomendacios se as poi pasal por dondi queira sin tel que dal contas a nairi.

Huelga idel que poi fel reclamacios cuandu le de a gana.

Por o demais, firmas y tal, to ben.

Bandu: Avissu a Junta Local de Revisió de Forus Alborotaus,
Esti Condau ten "mesnás" suficientis pa mantel ordin y peñel sanciós pertinentis. He mandau os mei capitás (entri elis o capitán Truenu) que disolvan dita yunta, pol nun axustalsi a dereitu y pol dexalsi influencial dandu puntus pacá y palá. Si ditu organismu insisti en montal "Tombulas", será considerau comu anha revelió.
(He de recoñocel que estoy asusteitu y teñu as maletas preparás pa exilialmi a otru Condau) .Ya nun firmu siquera.