Foro- Ciudad.com

San Martín de Trevejo - Caceres

Poblacion:
España > Caceres > San Martín de Trevejo
23-05-14 19:47 #12055538
Por:Fonti Nova

O comentaban ena calhi
Esta manhán, mientras esperaba a mulhel qu’había entrau a compral o comerciu, escutu a siguienti conversación:

Comu nun se poi fumal enos baris; nun quea mais remeiu que sel pa calhi a eital o pitilhu.

Había un-hos homis iá maioris fumandu ; un d’elis, fumaba un puritu -desis qu’están turcíus i que cheiran tan mal- (caliquenhu o algu paricíu). ¡Nun sé que fel! –l’idía un a otru-. Creu, que me voi a queal en caxa sin dil a votal. ¡Fais ben! -respondi o qu’estaba fumandu o caliquenhu- porque, ei, estoi pensandu o mismu. -Porque aparti de ponhelsi a paril u-hos a otrus; hasta esti momentu, nun s’ha ditu na do que pensan fel. -I, si o didin; con toa seguriai nun se cumplirá.

Un terceiru, qu’aparentaba sel de maiol edai, i que tamén encendei un puritu que iá era a segunda o terceira ve qu’o feia -a juzgal p’oro estau do puru-, tamén entró ena conversación: ¿pa qué hai que votal?, ¡porque ei, inda nun o sé! –preguntó- . Pa dil pa Bruselas – respondi o do caliquenhu- ¿pa fel qué? -pa nun fel na, i cobral mais de (novi mil) eurus o mes. ¿Isu cuantu é en pexetas, porque inda nun m’afalhu ben c’onos eurus? -preguntó de novu o homi-. Pues, cerca de dois millós. ¡¡Colhos!! ¿Habría algun-ha pusibiliai po mei netu?. Pues, fai dois anus qu’acabó a carreira i nun ha encontrau inda trabalhu. ¿Ten enchufis o tei, netu? –preguntó o do caliquenhu-. ¿A qué tipu d’enchufis te refieris? –respondi o homi maiol- . O qu’estaba cono do caliquenhu, i que hasta esi momentu había estau calau, le contesta: os enchufis pa Bruselas, nun fai falta que den LU, i cuantu menus brilhin, tantu milhol. ¡Sigu sin entendel na! -diisu o homi-, que iá había cunsumíu o puritu, i caixi l’estaba queimandu o bigoti. -É igual –respondi o do caliquenhu-. Naidi o entendi!!. Peru, do que sí pois estal seguru, é, qu’o netu o siguirás vendu en caxa. -Pues, ei nun regalu na -didi o homi-, si, esa xentí que vai a dil parei dondi didis; nun vai a tel en conta a situación do netu, ni, a de mutus comu él, qu’están miradu o Sol. ¡Me sua o caralhu quin vaia!, -cunmigu que naidi contin. -I volvei a entral po bar.


A mulhel sai de compral: enfilamus o caminhu de caxa i os dois primeirus homis inda queorin falandu.

Forti abrazu
Puntos:
27-05-14 23:15 #12069509 -> 12055538
Por:Cerrumicli

RE: O comentaban ena calhi
Pos me temu que pa nun tel mutu conhocimentu do tema, si que están ben acertaus en os comentarius.
Ademais, vistu os resultaus, cuantu mais dispersus estén os "Eurudisputaus", menus forza tendrán alí y pur tantu ni le fairán ni putu casu.
Comu os resultaus aquí sean igualis, haberá que folmal gobernus pentapartitus, por o menus, i ia me dirás comu se goberna esi guirigai.

Referenti a os temas do Foru, solu tes que idil que nun son apropius pa que te den duas "tazas".....
Buenu..ia falaremus do gobernu.

Forti abrazu.
Puntos:
28-05-14 19:59 #12070817 -> 12069509
Por:Fonti Nova

RE: O comentaban ena calhi
"Pos me temu que pa nun tel mutu conhocimentu do tema, si que están ben acertaus en os comentarius". (Cerrumicli dixit).

-Comu boa avi de presa que é; as caza o vuelu!!.

Ignoru , que pulítica practican os "Eurudisputaus" cuandu están en Bruselas. Suponhu, que cuandu defendan os interixis do nosu país eno Parlamentu Europeu; se pondrán tos d’acordu. Porque:

- "La verdad está en no tomar ninguna decisión, y eso tambien es una decisión" (PP).

- "Los españoles se merecen un gobierno que no les mienta; sino que les diga siempre la verdad" (PSOE).

- "Siento que no se me haya ocurrido a mi" (IU).

- "Hay millones de españoles que son de UPyD y no lo saben" (UPyD).

- "Cabeza fría, corazón caliente, puño firme y pies en el suelo" (CiU).

Bueno: si nun van a aportal algu mais sustancioxu, me temu que nun vamus a sacal ni pa ferral o burru.

Forti abrazu
Puntos:
03-09-16 14:02 #13234200 -> 12070817
Por:Cerrumicli

RE: O comentaban ena calhi
Desdi o 5-12-2005 ya se barruntaba que nosus pulíticus nun están por arreglali os problemas a os ciudadanus . Sin andan por aheí os dos "caliqueñus" hay que preguntalis si ya ten traballu o netu. ¡¡Me temu que nun!!.
Puntos:
04-09-16 12:43 #13234281 -> 13234200
Por:FONTI NOVA

RE: O comentaban ena calhi
Hola Cerrumicli!!
Comu vai esa vía?. Borges idía: "Estoy contento por regresar eternamente al eterno regreso".

Lástima, que "Foro Ciudad" s'haia queau tan obsoletu. Si milhorara algun-has coixas, seguru que mutus de noxotrus vulviríamus a él.

Pues, nun sé, si o netu d'aquel homi habrá encontrau trabalhu; -esperu que si. De toas formas, aquí, poicu han milhorau as coixas; mais ben, han díu pa trás.

Forti abrazu.

PD. Dispois de dois anus que s'envió o escritu original, me ponin dois puntus coloraus. A culpa: tua por volvel a él. Nostanti, a sanción iá ha prescritu. ¡Nun pensu pagala!
Puntos:
04-09-16 13:04 #13234282 -> 13234281
Por:chitu

RE: O comentaban ena calhi
Un abrazu pa os dois, desde as caliris de volta a casa.Pena de foru, e verdai. En cuanto a o que comentéis, pensu que si tuveran quue convocalsi novas eleccios, os cabezas de lista dibian dimitil por un habel siu capa de desbloquear a situación, pero claro, como hay quen sigui en o bloqueu; a pesal de poñel en peligru a econconomía de tos nosotrus, os españois claro, nun a sua por que sin fel na siguin cobrandu; o nun cedi un poicu, que en isu está a negociación, se aferran a o puestu y mantenin a rigidez pa nun dalsi o chalpadu.. ¿Nun votal? creu que nun e una boa opción, por que creu que se le da ventaixa a o extremismo que a pesal de to si comparecerá, votal pero abstrendusi ya de as idieologías, por que ya vemus que a delegación que supon o votu nun vali pa na o nun ha valiu pa na por que nun han consultau a as basis, ni le fain casu as encuentas.Habria mutu que falal de to,e verdai, por que por agora solu un cabeza de lista se ha muviu impoñendu a sei programa pero negociando con os dois grandis, pena que to haya queau en intentus. Soidi pa tos. Chitu
Puntos:
04-09-16 20:06 #13234352 -> 13234282
Por:FONTI NOVA

RE: O comentaban ena calhi
Hola Chitu!!
Cuantu tempu... Estais ben tos?. Comu en agostu nun acustumbru a dil o Lugal, nun poemus tomal ési vinhitu que tantu me gustaría. Peru nun perdu as esperanzas; cunfíu en qu'un día cuincidamus.

Tú, o has ditu, siguin cobrandu por nun fel na. Así, pues, naidi ten demaxiá presa en chegal a ninhún tipu d'entendimentu. ¡Isu sí!, to se fai p'oro ben dos espanholis.

To istu, nos recorda a os monarcas do despotismu ilustrau: "Todo para el Pueblo, Pero sin el Pueblo".

Un forti abrazu a toa familia, especialmenti a Elena.
Puntos:
05-09-16 11:38 #13234409 -> 13234352
Por:Cerrumicli

RE: O comentaban ena calhi
Fonti Nova: Sobri os puntus negativus, a mi me os han postu hasta cuandu doi as condolencias a familia de algún mañegu.
E verdai que e un-a pena que o foru haia pidíu esi cumiti
íu que tinha, as novas tecnologías van deplazando a as vellas. Son ciclus, anque haia algún-as que nun tenin mutu sintíu......
Porti abrazu .
Puntos:
05-09-16 23:29 #13234509 -> 13234352
Por:o muñu

RE: O comentaban ena calhi
Pa chitu,cerrumiquili y fonti nova.FORTI ABRAZU
Puntos:
07-09-16 18:26 #13234782 -> 13234352
Por:fincacha41

RE: O comentaban ena calhi
Estupendu Fonti Nova.Siguis,comu de pequenu observandu,retendu y dispois con gracia y retranca nos o soltas,Cerrumiquili con altura mira y desde Palma,con un gran niu de GOLFUS tamén comenta.Chitu en a legaliai,tamén está fartu...pero nos aconsella.Ei,mais proclivi a sintimenbtus y con deseus de que toos vivamus millol...vos remitu a que leais a última Circular que mandu a mais de mil socius y que pur estar tan cerca o día de Extremaura,me ubliga a mandal,suspendendu as miñas Vacacios,que desde que me jubilí debin ser eternas.
https://asa de extremaduraensevilla.blogia.com

Tambien aparecen:Circulares de la Casa de Extremadura en Sevilla.

Aprovecho para deciros que en la Ac<tividad de España en Sevilla para los días 7,8 y 9 de Octubre en nuestro Stand un Gran Vinilo mostrará Teatro de Mérida,Puente de Alcantara,Badajos,Caceres,Llererna Zafra y !como No:Un-a Calli do lugal.O anu pasau pasorin pur alí,mais de 50.000 persoas,esti anu MAIS.Soid<i pa tos Gonzalu
Puntos:
08-09-16 15:35 #13234895 -> 13234352
Por:FONTI NOVA

RE: O comentaban ena calhi
Celebru enormimenti vel comu se asoman p´oraquí os velhus guerrerus.

Forti abrazu desdi Marbella. Me han invitau a pasal un-hos días en Al-
Ándalus.
Puntos:
08-09-16 21:25 #13234948 -> 13234352
Por:chitu

RE: O comentaban ena calhi
¿ Teñu que recordalti o num. de telefonu si decidis evocal "las Teresas"?. Soidi . Pena de fogu. estamos a o tantu a vel si alguin nos informa de mais coixas.Solidi pa tos. Chitu
Puntos:
10-09-16 10:24 #13235123 -> 13234352
Por:FONTI NOVA

RE: O comentaban ena calhi
Chitu:
Tú, me fidesti adictu a bebel Manzanilla en "Las Teresas". Pues, p'oraquí é o únicu que bebu. Está estupendu!!

Qué está pasandu eno Lugal cono fogu?. Si ha síu provocau, habria que localizalo i telo o restu da vía limpandu o monti.

Forti abrazu.

PD. Nunca había vistu un-ha ciai tan entregá o turismu comu esta.
Puntos:
10-09-16 12:11 #13235141 -> 13234352
Por:Cerrumicli

RE: O comentaban ena calhi
Si, si, y a mi tamen..... " Si vas a Sivilla, te tes que tomal co Chitu un-as Manzanillas...... con jamon."-
O fogu por o vistu solu ha siu un sustu..... ( había que endurecel as penas). Un Jué idía en a Coruña que tiña imputau a un pur catordi fogus, pero que a ley nun le pirmitía encerralo.
Bueno, Muñu, pa o verán que ven será. Chitu que vaya fendu reservas....

Forti abrazu.
Puntos:

Tema (Autor) Ultimo Mensaje Resp
Foto: Calhi Batuecas. Por: M/E 22-10-10 01:13
NACHITU
2
Simulador Plusvalia Municipal - Impuesto de Circulacion (IVTM) - Calculo Valor Venal
Foro-Ciudad.com - Ultima actualizacion:08/08/2020
Clausulas de responsabilidad y condiciones de uso de Foro-Ciudad.com