Interpretación E importanti interpretar de o modu mais faborabli a os foristas: así seremus humanus con noxotrus mismus i contribuiremus a nosa instrucción. Agora ben si nos enrollamus a examinarnus unhus a otrus sin niñun sintiu o que conseguimus e descafeinar o foru propiciandu a autocensura. O que aporta o que ten mereci un respetu, si se ten unha opinión diferenti de o que expón tal o cual forista, i se quel replicar, a nosu juiciu debi ser con argumentus lógicus, con moderación i sobri o asuntu que se vintila, nun malicioxamenti, así evitamus debatis agrius e inutilis que solu contribuyin a peder o tempu. Esmerarsi en os debatis e convenienti i nos enriqueci, i nos instruyi. Tos gañamus. O Foru Mañegu e unha pequena ventan que Nosu Hermoxu Lugar abri a o mundu dandu a coñocer a Nosa Lengua. Os Mañegus debemus contribuir a que a corrienti de airi que circula a través de esa pequena ventan se convirta en unha Bocaná de Bo Airi frescu mañegu. "Nunca devanecerás la envidia, más puedes burlarla a tu gustu. La torturan tu dicha y tu gloria: puedes pues fomentar su tormento." (ARTHUR SCHOPENHAUER) |