Se escribira mutu sobre tema agora,pero mutu falar y falar y nun se soliconara o problema. En o siglu das ludis (XVIII) se estaba cunvinciu que con a escolarización o nivel cultural aumentaría. Diderot deseaba que a filosofía fora popular y Brecht que con a enseñanza universal y gratuita aumentaria o numeru de lectoris,os teatrus cheus.. ¿Se equivocorin?
Leu que en as oposicios de Magisterio da Comuniai de Mairil solamenti un 38% acertó a situar sobre un mapa Avila/Pamplona. Que un 93% nun supu convertir 2,30 Kg en gramus. A galiña e un "mamiferu". "Los cambios fisicos se producen cuando la materia cambia de aspecto" FaLTAs de ortografía: conpetencia/ anbito/ veverlo/ Cordova/ Nabarra Obserbar....
En Finlandia son profesoris os milloris, ser maestru es muy respetau por parti de os pairis y alumnus, por consiguienti están muy motivaus. O salariu e similar a o de aquí. A profesión de ensñanti e vocacional y debi instruir y educar, pa felo debi tel muta paciencia y sobre too amar a os dagalitus.
Desde que desparecei a EGB en esti pais se han diu sucedendu mutus plas educativus, muta legislación (agora a OMCE que nun ten na que ver con la ONCE) y a caliai da ensañanza nun millora cumu asi o indica o informi PISA. Me gustaría leer aqui opinios sobre os anus 70/80 (tele dois canais en blancu y negru, bocadillus de chocolati etc..) opinu que esti alumnado sei muy ben preparau porque tiñan maestrus vocacionais,os pairis respetaban y valoraban a labor docenti e isu que "pasas mais fomi que un maestru escuela" Recordu que aqui en Cataluña un guardia municipal, un administrativu, un traballor do sector textil cobraba o dobli que un maestru.
¿Que pasa en Extremadura que ocupa o últimu lugal? Con Don Ciprianu se aprindia mais? me custa aceptalo