San Martín de Trevejo - Caceres

Amigus furistas,
Esta vistu que JL e millol reporteiru que tos meis axuantis, me ha quitau a esclusiva de a hospederia. E que nun se poi contal con os meis reporteirus que se perdin en as pichorras.
Vos poyu idil que estuvi consultandu os demais proyectus y me pareci que esi e o mais seriu y benéficu, asi que ya sabeis: os que queiran traballal ahei que vayan mirandu pa cursillus de turismu, hospederia y mantenimientu porque habra mutus postus de traballu.
Arrastrandumi pur as paredis, consigui metelmi tamen en dentru de o conventu dondi pui aprecial o bo traballu que han feitu de carpinteria pa o tellau (a pesal de tos os problemas tecnicus)y o ben que a queau a capilla, pero o demais esta de pena y necesita una boa reforma.
Esperemus que nun se equivoquin en o programa y que teñamus conventu pa ratu y que nun se volva a abandonal.

Hasta prontu