Falandu de cabalus. Boos dias Foristas, Mañegas y Mañegus: Queru fel honol a dos cabalus que tiña mei Pairi y que ei traballaba con elis, sobre too un que le chamábamus "A Faca Grandi" (1950-1962). Esti Cabalu, alá en as barreiras y pendientes de o "Soitu", y dondi feyan "as cortás" de os castañus, díbamus a pol "Fulnisia", derivau de "fornu", (chamizus, escobas, ramas de pinu, leña, etc.). Cargaba os cabalus con tres facis, y "A "Faca Grandi" le eitaba o cabestru encima de a carga y deyantri de mi ela sóla me diba abrindu camiñu, sin que hubera rastru de verea y rodeandu a pendiente chegábamus a o camiñu ya mais llanu, sin niñun sobresaltu. Os cortaoiris de castañus, entoncis con malleta, y otras persoas que había pol alí, contemplaban atónitus, cumu este cabalu, era muy seguru en as barreiras, num tiraba ni turcia a carga, se mantía rectu y bordeaba sin problemas as dichosas pendientes. Descansi en pá este cabalu; dó seis frutus acarreandu sobre to "furnisia" de o Soitu, cumbris de siálima y montis ayacentis, así cumu de os baldius. Soidi a Fala, Mañegas y Mañegus. Chalrrieira. |