San Martín de Trevejo - Caceres

Siguindu, de algunha maneira a custumbri de esti foru, con relación a algún escribienti de o mismu, desde o balcunitu de miña güela Antunlina ( sempris será así), con un calol que nun envidia na o Sevillanu y esperandu nun vulneral niñun dereitu a intimiai, queru ideli a os componentis do Foru que Cerrumiquili, que ya goda de boa soidi, ha sufriu unha intervención quirurgica de mutu cuau en la columna, dibiu a unha dolencia que sufria fai tempu y que ultimamenti caisi o imposibilitaba pa deambulal normalmenti. Afortunaamenti to ha seidu ben y ago está en periodu de rehabilitación pero ya da algún voliu, sin abusal, que le permiti dil a playa, asi que isu e un bo sintoma.
Deseamus que en poicu tempu sea capa de apoisalsi otra vé, como antis, en o tellau do campanariu o de a antigua casa de Tia Binita, oixi restauranti.

Por o demais, le daremus vacacios a to mundu y con un poicu de envidia pa os que nun han puiu vil, esperaremus a que se vaya o sol y abran a ventan de Payu pa que, como toas as noitis baisi esi airitu frescu reparaol, que nos quiti o cheiru a pichorra y nos permita disfrutal de a Plaza.

Soidi a tos o un saluu cordial de Chitu

E um'a bôa nuticia que Cirrumiquili ia poa dal vulius curtus, m'alegru mutu, num sabiamus nâ d'a operación.
El habia ditu que tinha hernias peru num pinsi que foran discáis, deseu
que se recuperi pruntu, ia cumpraremus um'os bofis pâ dali forzas.
Milhol pensau, poa sel que esi vinhu milagrosu de Chitu le dera milhoris
forzas, ia que Chitu num fai máis que redali ao sei vinhu, pos poera sel
que tenha propiais curativas discunhucias hasta agora.
Chitu, essi calol do Lugal s'aguanta milhol que o de Sivilha, ia que pur'as noitis refresca cum o ventu do nossu Lugal.
Pruntu nus veremus si Dios quel, hasta entoncis un saluu.

Boos dias mañegas, mañegus y furistas:
Con a noticia que nos transmiti "Chitu", nos alegra que nosu amigu y compañeiru de o "Foru" "Cerrumiquili", se haya operau de a hermia discal y haya seidu ben. Esperu que se recuperi prontu en esa cuñucia isla de Mallorca.
Soidi a toos os que estan veraneandu en o lugar en esti mes de agosto que ha enmpezau con mutus caloris.
Soidi a "Fala", mañegas y mañegus.
Chalrrieira.