San Martín de Trevejo - Caceres

As 40 COPLAS de Jorge Manrique(J.M) dedicas en sua mayoria a lamentar a inestabiliai da fortuna,o prontu que pasa a fama y o poer igualitariu da morti: da morti naidi escapa, ni o rey, ni o ricu ni o papa. Solu a virtu de ca cual e o únicu que dasafia o tempu y o destinu. En as dedaseti ultimas coplas, o poeta, cheu de dolor y a mismu tempu de esperanza en a via futura, fai un funebre elogiu de sei pairi.
Ei me se de memoria as COPLAS, y aprender unha coisa de memoria supon entrar en posesion de algu, ser pusiu...Y isu significa que hemus autorizau a o poema a introduirsi dentru de nosotros, pa enriquecer y modificar o nosu paisaji interior.
Poi idirsi que nunca amamus de verdadi o que nun aprendemus o coñocemus de memoria, con os limitis. As palabras de Rovert Graves confirman que "amar con las entrañas" e muy superior a cualquier forma de "amor al arte" Saber con as entrañas e establecer unha relacion intima y activa con o fundamentu mismu da nostra senda.

AFIRMAR que J.M COPIO e unha barbariai igual que idil: "Velazquez COPIO AS MENINAS" Goya a Maja u os Fusilamentus, Picasso o Guernica etc..
(Policia Genial) P.G ha dispostu de mutu tempu pa informarsi, o ben puia haber rectificau, o haber estau calau pero "mantenella y no enmedalla" ¡¡¡Que atrivia e a ignorancia!!!
NUN hay mutivu pa pensar que JM en o 1476, fecha que se supon compuyu as COPLAS coñocera a obra poetica de LI TAI PO, celebre por a suas borracheiras. ¿Quin sabia chinu en a Edai Meya en Europa? ¿Cuandu foi tradui LIPO, da dinastia TANG, a o espñol? Guillermo Valencia (1873-1943) colombianu, pareci ser que foi o primeiru en traduilo.Logu, o sintiu comun nos didi que JM nu tuvu posibiliais en a sua corta via de aprender chinu.
PG se fai servir do PROLOGU "Segunda ANTOLOGIA DE LA POESIA CHINA", pa
demostrar que J.M COPIO a suas Coplas. A autora Marcela de Juan en o apartau NIHIL NOVUM SUB SOLE (que PG nun nos didi de dondi saca esti latinaju, el si o PLAGIA) fala sobre o tema da DESOLACION, da nostalgia, añoranza, fugaciai do tempu y das coisas da via, nombra tamen a Fray Luis de Leon y didi: "Vease por ejemplo, el poema de LIPO.
¿A quien leyendo esto, no le vendra inmediatemente a la memoria al inmortal elegia de Jorge Mantique con sus tres versos identicos?

Nuestras vidas son los rios/ que van a dar a la mar/ que es el morir."

En ningun momento afirma o insinua que JM haya plagiau a o genial poeta LIPO, autor "EL MANANTIAL DEL VINO"
¿Cumu se explica entoncis a coincidencia?
JM se inspiro en a BIBLIA, en o ECLESIASTES pa esis versus.
Si as COPLAS huberan siu unha Copia medievalistas,poetas y escritoris ya huberan postu de manifestu y JM estaria olviau cumu Avellaneda con o sei QUIJOTI.

Enumerare algus escritoris y poetas que opina sobre as COPLAS

Azorin: "JM es una cosa eterea, sutil, fragil, que bradiza. JM es un escalofrio que nos sobrecoge un momento(..........) Se nos antoja que examinarlos (los versos) descompnerlos, escrutarlos, es hacer perder encanto"
V.Aleixandre: "Es un logro de perfeccion y maestria, de elegancia y cadencia, de ritmo y naturalidad, unen magistralmente la emocion humanisima con la forma de expresion"
Lope de Vega: "mereceria escribirse con letras de oro"
Pedro Salinas: de su libro "Jorge Manrique o TRADICION Y ORIGINALIDAD"
"Las Coplas estan mas alla de todo precio"

CUALES FORAN AS INFLUENCIAS DE J.M?

Juan Valera o de "PEPITA JIMENEZ" (1824-1905) cordobes, supuyu (nunca dixo COPIO) que existia o influju de ABULBEKA,poeta arabi de Ronda, autor sobre a decadencia do Islam en Espña dispois da conquista de San Fernandu.En apoyu da suas tesis Valera tradui esta poesia en a tipica estrofa manriqueña, tamen chama de "pie quebrado" con o cual chega a verdadeiras coincidencias, pwero que se deben unicamenti a musicaliai da version:

En todo terreno ser
solo permanecí y dura
el mudar
Lo que hoy es dicha o placer
sera mañna amargura
y pesar
Con sus cortes tan lucidas,
del Yemen los claros reyes
¿dónde están?
¿En dónde los sasanidas
que dieron tan sabias leyes
del Irán?

DE QUE FONTIS BEBEI J.M pa compoñer as COPLAS?

Os conceptus, as ideas, as imaginis y demais recurssus ya existian antis da composicion das COPLAS.
"Los gestos ylos actos de la vida aparecen en las COPLAS, no inmovilizados, sino avanzando hacia una meta que es la muerte" escribi CERNUDA.
BIBLIA: Eclesiastes, Job, Cartas de San Juan.
CANCIONERO DE BAENA
MENA: "Razonamientos que faze Juan de Mena con la muerte"
Santillana: "Doctrinal privado"
Sei tiu GOMEZ MANRIQUE: "Coplas para el señor Diego ARIAS DE AVILA"
Arcipreste de Hita: "Versos dedicado a la muerte de Trotaconventos"

Dibiria falar sobre a via de J.M o SEI CONTEXTU historicu, pero nun queru extendermi mais y esti FORU nun esta dedicau a LITERATURA, pa istu ya hay otrus mutus, pero hay que ser a o pasu de CALUMNIAS, nun se poin fer afirmacios gratuitas.
AS COPLAS merecin a sua perdurabli fama: E unha obra perfecta da LIRICA UNIVERSAL, os animu a que a leais

Y P.G de COPIA NADA, NADA DE NADA...espero no recbir insultos por RESPUESTA.

Bos dias.
Chencho

Pur nun extendermi mais omitu, un esta obligau, a bibliografia utiliza, me sintu con o DEBER de nombrar o libru de textu
de E.Correa Calderón
y Fernando Lázaro Carreter
"LENGUA ESPÑOLA Y LITERATURA ED. ANAYA
Cuarto Curso de Bachillerato"
Madrid, 1960
que gracias a él y o profesor que tuvi de Literatura me fideran descubrir/aprender de memoria as COPLAS.

Mira Chenchu , millor siria que toas estas hitorias de a literatura que te trais con P.G. se las discutiras a el directamenti en unha pichorra y nos evitaras a nusotrus os pobris e ignorantis furista de tel que tragarnus ( que aunque sean muy intersantis literariamenti a mayoria ni nos vai ni nos ven ) y o que nos interesa son os temas sobri o nosu lugal y as nosas gentis , que pa isu lemus o foru y nun pa sabel a via de J.M y do o otru chinu , que ya ni me acordu de o nomi , que o que queira enteirasi que baya a biblioteca o a universiai ; y dedicati a poñernus algu de as tuas filosofias que aunque algunhas sean dificilis de comprender , por lo menus nos dan pa pensal UN ABRAZU DE ESTI QUE TE APRECIA BEN.

Coincidu contigu.
Un abrazu.jl.

Pensu o mismu y ademais añado que pareci que ques tel a última palabra en ésta polémica. Ta faltau poñel que J:M. nacei en Paredes de Nava (Palencia),fillu de o Condi de Paredis D. Roddrigu Manriqui y de Dña.Mencia de Figueroa. Sr. de Belmontejo, membru de a Ordin de Santiagu.,Paladín de a Reina Isabel y que morrei en a batalla de Uclés en o Castelu de García Muñoz, con 39 anus.As coplas forun 43.
Mira, ni Cancheira poi certifical que J.M. plagió(purque nun estaba ali), ni tú destruyis a sua teuría, poqui tampoicu sabis si sabia chinu o nun, Marcu Polu en ó 1300 y picu, se traixu a polvora de os chinus. ¿quin te ha ditu a ti que nun se hayan traudíu a os poetas chinus?.
Istu que poñu aquí nun quel idil que se mais que naidi. O he copiau de Internet.
Si ques convencelmi que sabis mais, desciframi o de: "El Huevo ó la Gallina" ó " La manzana ó el Gusano". Entoncis habrás decubertu algu.
Tamen piu perdón a os foristas, y pa que nun te enzarcis mais, nun soy Cancheira ni sei hermanu. Fai cassu a "Un Mañegu en ó Extrayeiru"
de que e ó que le interesa a o foru.
Gracias amigu Chenchu.

Estoi asombrau,
nun he remuviu a brassa
y istu se a quentau,
Badila, ¿que ha pasau?
O sentu Cancheira, ei nun queru copialti, e que to se pega...

Que ben y que aligria
Que en versus, poeramus tos comunicarnus
Nun creu ey ,que a Cancheira le disgusti
O ben que nos esta influenciandu

Mutas gracias a tos vosotrus
!!!Que se animi mutu istu!!!!
Un abrazu Anduriña