San Vicente de Alcántara - Badajoz

Morriña castúa
Estimao Juanlu:
He recibío correos de jartá e gente qu'han sufrío la esgracia e la emigración “po la farta de trebajo d’otros tiempos”, pero que “duermen toas las noches abrazaos a los sueños extremeños”. Correos que siempre m'animan p'agilá p'alantre con las mis ilusiones y los mis empeños, y, asina, nuestro galraero no se quee jondeao'n el pozo del olvío.
Y, sin conocete de na jasta hoy mesmo, y con to'l agine que m'embargan estas cosinas que me ices con to'l sentimiento arrebujao con la lejanía del terruño y que jacen que cruja en mi pecho entoavía con más juerza "ese orgullo d'extremeño" que, dende chiquinino, enarbolo ondi quiera que vaiga, m'he permitío la licencia d'engilgá'n esta mi libretina el tu correo, queando a l'aspera de qu'argún día seamos escapaces e palrar manque na más sea un ratino y nus arrebujemos en un juerte abrazo.

no figura su autor