| 09-09-10 19:01 | #6072717 |
Por:luis barriga pacheco   |   |
| DATI TU CUENTA DATI TÚ CUENTA ¡Dati tú cuenta lo pocu que les dura a los cravelis esi olol tan berrinchúu que tienin cuandu los güelis...! ¡Dati tú cuenta lo pocu que les duran a las froris los coloris arcendíus...! Asina son los amoris: que se van tos ajongandu sigún avanzan los días lo mesmu que se mallugan en otoñu las sandías. Por ellu, aprovecha el tantu, y no me seas remirgosa: diviértite de lo lindu, sin pensal en otra cosa. Que dispués ya vendrá el tiempu cobránduti los detallis: una arruguina, un graninu, dies quilus más en el talli... un dolorinu en el jombru, un pelleju en la barbilla, ganas d’estalti sentá, reúma en la pantorrilla... Que a tos mos llega la hora de tecras e inapetencias. Pol tantu, mentris que pueas: no guardis mucha astinencia, que pa pocu o pa na vali dejal-li pa los gusanus lo que debi disfrutalsi con argún samaritanu. No te pasi a ti tamién comu a la otra, entretantu, que pol sel tan escogía se queó pa vestil santus y se jue d’esta esistencia, sin que naidi la catara, pa'l jochi, dijendu a gritus: ¡que me voy paloma branca | |
| Puntos: | |
| 09-09-10 19:28 | #6072891 -> 6072717 |
| Por:luis barriga pacheco | |
| RE: DATI TU CUENTA P,D,POESIA DE JUAN JOSE CAMISON | |
| Puntos: | |
| 10-09-10 13:35 | #6077205 -> 6072891 |
Por:halicarnaso   |   |
| RE: DATI TU CUENTA MU CHULA LA POISIA. ¡JA, JA, JA,! | |
| Puntos: | |
| Tema (Autor) | Ultimo Mensaje | Resp | |
| Ex tesorero del gobernante Partido Popular tenía 22 millones de euros en cuentas suizas Por: mediopeo69 | 19-01-13 23:55 56565 | 3 | |
| cuidado me acaban de robar cuentas en foro-ciudad, facebook, correo electronico Por: willye&p | 26-01-12 11:42 willye&p | 9 | |
| USUARIO Y CUENTA ROBADAS Por: MAFDZ | 09-09-10 23:13 BUDDY | 6 | |
 |  |  |