La Coronada - Badajoz

algunos cantos y poesias en castuo
CANTU A EXTREMAURA






Tous icin lo mesmu quéris probí
la más probí d'esta tierra,
que tu genti no tieni curtura
que no entiendin de cencia.

Más yo que te conozu desdi chicu,
que jui amamantau con tu sabia mesma,
que no tuvi sobraus pa jacel viajis
que no tengu estudius ni carrera;
hiju soy de campusinus;
campusinus castuós, peru sin juerza,
esquilmaus pol los ricus extremeñus
saqueaus pol los ricus d'otra tierra.

Obligau a emigral comu otrus muchus,
a röal pol lo anchu de la esfera
jui guipandu pol tos sitius otrus campus
jui guipandu sin querel otras laeras,
pol esu pueu icil juerti mu juertí
tu eris rica, rica, y fertil,
tierra muestra de los campus, extremeña,
tu ties sabia, tu ties sol, tu ties agua,
que son tres cosas esencialis;
n' envidias na de l'Europa
en 'a güerta y cerealis,
tamién ties cantidá de frutas
de cuasi toas las clasis,
grandis jesas pa crial ganau,
viñedus y olivaris.

Y que me icin del tabacu
que tu sola proucis sietí partis,
y ajuntandu las demás provincias
proucin las otras tres restantis.

Y la lus eletricá qu'exportas,
sin contal las centralis nuclearis
que mus las an endilgau a pesar nuestru
los ricus d'otras partis.
pol el viciu egoista d'esta gentí
que tié d'amontonar realis;
sin importalris pocu ni muchu
el dañu que mus jacin,
pos igan lo que igan, pol algu sera
qu'esus chismis no los quieri naidí;
pa mi qués verdá que contaminan,
que jacin de los campus erialis,
que son peligrus enormis
pa la tierra, los hombris y animalis.

Y sino que m'expliquin d'una vez
el porque, de no querellas naidi.

Icin tamién, que no tienis curtura,
que tu genti son comu salvajis.

Y estú es verdá, si pol curtura entiendin
abel leiu a Don Quijotí,
abel montau ena'eroplanu,
abel viajau pol el mundu,
conocer los famosus d'antañu,
diferencial un Goya d'un Picasu,
entender d'arti romanu,
o pairal más qu'un sacamuelas
de cualquiel tema mundanu.

Esta es la curtura de los ricus
la curtura qu'ellus inventarun,
estudiandu pa jacer negocius
buscandu la jorma de robarnus;
pos les tiení mucha cuenta que palremus
d'asuntus bien lejanus,
mientras ellus de forma ladina
mus dejan la paja, y se llevan el granu.

Yo piensu qu'estu no es curtura,
qu'estu es almacenar conocimientus,
es tener un'archivu en la mollera
y no saber nunca, d'adondi sopla el vientu.

La curtura a d'estar más jonda,
a d'estar carga de sentimientus,
es vivir con humildas
y que salga tó de mu padentru;
es una jorma de concencia,
es pairal con amor de los demás
manque s'usin terminus de cencia.

Extremahura si tiení curtura,
curtura propia, campusina
jecha con suoris y con tierra,
con 'l toscu pairal de los labriegus
arreandu la yunta en l'era,
con 'l sol qu'achicharra en el veranu,
con 'l verdi germinal de primavera,
con las comias campestris
en tiempu de sementera,
con 'l locu chilrial de los grillus,
con su gentí cansa peru contenta.

Uséa, que n' es lo mesmu
no tener curtura,
o que la genti estudiosa y mu leia
sea incapaz de comprender,
lo qu'es una curtura campusina.

Saludos jonvallekas70 vienvenido al foro, personalmente soy un gran admirador y lector de la poesía, me agrada tu portal, aunque a pesar de hacerle competencia a mi amigo y admirado POETANOSTALGICO, lo veo muy positivo.

Colaboro en tu potal con este poema de Eladio Sanjuan.

QUE GRANDI ES MI EXTREMADURA

Ondi quiera que m'acercu
afinu bien el oidu
por si escucho alguna voz
que me regali el sentiu.


¡Qué grandi es mi Extremadura!
¡Qué llanos, que sol, que cielo!
¡Qué encinar, que tierna albura!
¡Con cuánto amor la recuerdo!

Algún acento extremeñu,
alguna voz de mi tierra,
ese es el más grandi empeñu
al que mi alma s'aferra.


Por esu, si jablan de ti,
yo a escuchar siempri me quedu,
¡y ay de la voz qu'al jablarti
a ti no te mandi besus!

Sentil jablal de mi Cáceres,
de mi pueblu y sus aldeas,
de su vino y sus mujeres
y el jamón de patanegra.


¡Que naide valga diciendu
malis de mi Extremadura
porque yo no lo consiento
y me juego l'asaura!

¡Qué grandi es mi Extremadura
dendi cerca de Oropesa
jasta'l final de las Jurdes,
el Arañuelo, la Vera,


Extremadura no es esu
que alguna genti se cree,
no es comarca, ni senderu,
ni es olvio, ni vejez.

Y ese Jerti que platea
sobre el Valle de Plasencia,
y ese verdi del tabacu
que va del Valle del Tiétar!


Qu'es una parti d'España
con historia, rango y ser,
y jarta ya de patrañas
y de güelva usté otra vez.

¡Qué grandi es mi Extremadura
dendi Badajó a Gredus,
dendi Miraveti a Mérida,
y de Arroyo a Cañameru!

Y por suesto esta frase es de mi colección, perdona es que si no la pongo algunos foreros se enfadan.
Los poetas son hombres que han conservado sus ojos de niño.
Autor: León Daudet

Un saludo amigo