Almendralejo - Badajoz

CANTU A EXTREMAURA






Tous icin lo mesmu quéris probí
la más probí d'esta tierra,
que tu genti no tieni curtura
que no entiendin de cencia.

Más yo que te conozu desdi chicu,
que jui amamantau con tu sabia mesma,
que no tuvi sobraus pa jacel viajis
que no tengu estudius ni carrera;
hiju soy de campusinus;
campusinus castuós, peru sin juerza,
esquilmaus pol los ricus extremeñus
saqueaus pol los ricus d'otra tierra.

Obligau a emigral comu otrus muchus,
a röal pol lo anchu de la esfera
jui guipandu pol tos sitius otrus campus
jui guipandu sin querel otras laeras,
pol esu pueu icil juerti mu juertí
tu eris rica, rica, y fertil,
tierra muestra de los campus, extremeña,
tu ties sabia, tu ties sol, tu ties agua,
que son tres cosas esencialis;
n' envidias na de l'Europa
en 'a güerta y cerealis,
tamién ties cantidá de frutas
de cuasi toas las clasis,
grandis jesas pa crial ganau,
viñedus y olivaris.

Y que me icin del tabacu
que tu sola proucis sietí partis,
y ajuntandu las demás provincias
proucin las otras tres restantis.

Y la lus eletricá qu'exportas,
sin contal las centralis nuclearis
que mus las an endilgau a pesar nuestru
los ricus d'otras partis.
pol el viciu egoista d'esta gentí
que tié d'amontonar realis;
sin importalris pocu ni muchu
el dañu que mus jacin,
pos igan lo que igan, pol algu sera
qu'esus chismis no los quieri naidí;
pa mi qués verdá que contaminan,
que jacin de los campus erialis,
que son peligrus enormis
pa la tierra, los hombris y animalis.

Y sino que m'expliquin d'una vez
el porque, de no querellas naidi.

Icin tamién, que no tienis curtura,
que tu genti son comu salvajis.

Y estú es verdá, si pol curtura entiendin
abel leiu a Don Quijotí,
abel montau ena'eroplanu,
abel viajau pol el mundu,
conocer los famosus d'antañu,
diferencial un Goya d'un Picasu,
entender d'arti romanu,
o pairal más qu'un sacamuelas
de cualquiel tema mundanu.

Esta es la curtura de los ricus
la curtura qu'ellus inventarun,
estudiandu pa jacer negocius
buscandu la jorma de robarnus;
pos les tiení mucha cuenta que palremus
d'asuntus bien lejanus,
mientras ellus de forma ladina
mus dejan la paja, y se llevan el granu.

Yo piensu qu'estu no es curtura,
qu'estu es almacenar conocimientus,
es tener un'archivu en la mollera
y no saber nunca, d'adondi sopla el vientu.

La curtura a d'estar más jonda,
a d'estar carga de sentimientus,
es vivir con humildas
y que salga tó de mu padentru;
es una jorma de concencia,
es pairal con amor de los demás
manque s'usin terminus de cencia.

Extremahura si tiení curtura,
curtura propia, campusina
jecha con suoris y con tierra,
con 'l toscu pairal de los labriegus
arreandu la yunta en l'era,
con 'l sol qu'achicharra en el veranu,
con 'l verdi germinal de primavera,
con las comias campestris
en tiempu de sementera,
con 'l locu chilrial de los grillus,
con su gentí cansa peru contenta.

Uséa, que n' es lo mesmu
no tener curtura,
o que la genti estudiosa y mu leia
sea incapaz de comprender,
lo qu'es una curtura campusina.

Si señó! eso é asina.

Enorabuena Luis. Oyes una pregunta es de Grabiel y Galan la poesisa?

no es de un tal Victor y nadamas pone

esta muy bien pero podrias escrivilo en españo para que otras gentes se enteren me parece ami.

perdona y no te ofendas,pero esta
en nuestro dialecto "castuo" y es nuestro
lastimas que en los colegios no tuvieran
unas horas de clase de nuestra cultura
como por ejemplo,el vascuence,catalan,gallego.etc
y si la lees bien es la pura realidad de nuestra tierra

esta poesía es copia que mas quisiera yo escribir esto

un saludo

Amigu Luih ehta henti no quieri enteralsi, no quierin sorta el complehiu d´inferioria.

Es como si te escribiera en Guanche te pasaria lo mismo

hola paisano esto es nuestro idioma/dialecto
por lo tanto ni guancho,ni catalan ni gallego etc
esto esta escrito en nuestro querido idioma
y tenemos entre todos que promocionarlo pues
seguro que los canarios no nos ayudaran

un saludo

Para 43o4273, no se si eres paisano o no, si eres extremeño el interes por lo extremeño te resbala, SOLO TIENES QUE HACER PREGUNTARLE A ESTE CACHARRINU EN GOOGLE, PREGUNTALE SOBRE LO QUE QUIERAS EN EXTREMEÑO Y EL TE LO DIRA, y a partir de ahi seguro que no diras lo de la respetable Lengua Guanche. Un saludo.

sino eres extremeñu que co,,,,, pintas aqui

Amigo Luis, te pongo mi correo electronico para intercambiar algunas palabrinas sobre el habla extremeña:ehtreme@hotmail.com. Un saludo.