Falando d´el casu Villa Lo que va dempués hai q´entendelo como una aportación ripiosa a un asuntu d'actualidá, y básase no que vienen repitiendo los periódicos, ensin desconocer pela mio parte qu'el lider sindical, como cualquier ciudadanu, gocia del derechu a la presunción d'inocencia, y teniendo en cuenta que se trata de fechos solo “presuntamente” delictivos sobre los que s'empecipió un procedimientu tras el que solo con una sentencia firme que lo diga asina van declarase probaos y van ser calificaos como delitu. ------------- El falar de Villa cansa, mas nun ye cosa callar y dexar el agua mansa en estanque llimpiu y quietu pa que nel que puea nadar tranquilamente un suxetu acusáu de robar. Y d´eso vamos falar pos nun foi robu corriente ya que tien l´acusación de robar a la so xente, la de so organización. Montando un gran paripé colos fondos d´UGT y sisando aquí y allá, tou ello presuntamente, axuntó munchos dineros porque dicen que cobró solo pa él, xuntamente, les dietes del Comité, por tolos sus compañeros. Foi cantidá importante, y un poco mas alantre axunta a tal caso el xuez que cobró mas d'una vez en Xuntes d'un organismo delles dietes polo mismo. En coses bien personales hai unos variaos gastos que namá col so mandatu cargó Villa al sindicatu, y nun son cifres banales sinón por importes vastos To esto trátalo el xulgau a pesar qu'el de Tuilla quixo dexalo parao con recursu tras recursu, pero to sigue 'l so cursu y pué que veamos a Villa (que tuvo cargos muy bonos y ocupó sus altos tronos) sentau na triste silla, la silla del acusau. Fimao: Ripios Pin. |