Morcín - Asturias

Pintaron en Satolaya unes rayes faciendo sitios p´ aparcar, así como al biés, na carretera, antes de la rotonda del cruce, al llau el rio, y tamién pa la otra mano.
Hasta ahí bien. Hay que de pintar onde tienen que poner los coches, porque haylos que seguro que cuenten que tan solos nel mundu, o que son más que los demás y que ye to pa ellos, porque ponen el su coche onde más estorba, y asina que, habiendo sitiu de sobra pa dos, pónenlu en medio y queden ellos tan anchos, en sin que pueda aparcar otru.
El casu ye que, según a mi me paez, ficieron los sitios muy estrenchos y, aunque pué que el coche entre (si ye de los más pequenos), una vez metiu en aquella estrechura nun habrá manera de abrir les puertes, si hay otros aparcaos al llau.
Al alcalde seguro que i paez to bien, pero y podía haber fecho la preba de poner dos coches asi como el suyu un pa ca llau, aparcar na plaza de quedara en medio, y tratar de apease. Pué que nun pudiera salir, o que su figura entrutchara, y ni pa fuera ni pa dientro.
Pues si Vd. nun cabe, Don Jesús, los demás ¿que?. ¿Tan obligaos a ser muy flacos y a tener un coche muy entrenchu?. ¿O ye que en Morcín los aparcamientos nun tienen que tener un anchu bastante pa que quepa el coche y te pueas apear?.
----------------------------

Pasaron cuatro años desde que escribí lo que ta más arriba, y to sigue igual. Bueno, el coche del alcalde ye ahora un poco más pequeñu, y paezme que Don Jesús nun ta tan gordu, será pa poder aparcar y salir del coche en el dichosu aparcamientu.