Mieres - Asturias

Como qu'entós los chigreros
al espichar una pipa
en ve de cobrar les pucheres
qu'ún emburriaba p'arriba
cobraben una perrona
por entrar onde la espicha.
Y bien no tabes dientro
podies pescar una mirla
surbiendo sidra a restrozu
sin pagar ni otra perrina.
¡Claro que los llagareros
facienlo con tola vista!

Pos siendo la sidra cosa
que se dixier bien aína,
y ties que char per abaxu
cuantu metes per enriba,
a los pocos menutinos
de tar saborgando sidra
ya tenís que salir juera
a orbayar xunta una esquina.

y dimpués que teminabes
de facr aquela espicha
si queris volver pa dientro
dabis otra perronina
y seguís de surbiatera
fasta dar fondu a la pipa
o terminar les perrones
o cayer pates arriba.

Un besín...Aruca