EL PODER D´UNA GAITINA A los asturianos que allá en sus tiempos mozos, habiendo emigrado a otras tierras, supieron, con el dolor de la ausencia, lo que es amar a la tierrina LA VISIÓN D´UN ASTURIANO Es la gaita de mi tierra viejo y típico instrumento talismán tan prodigioso que descubrirlo no intento. Al oirlo, mis paisanos no caben en sí de gozo y dicen que a gente vieja les vuelve el corazón mozo. Amante yo de mi Asturias y de todo lo de ella, ¡cómo a su típica gaita he de dejar de querella! A contaros voy ahora, como a uno en La Habana hipnotizó una gaitina, una gaitina asturiana. Ni pongo ni nada quito, su relato oiréis completo, tal cual se lo oí contar al mismísimo sujeto. Taba loñe, taba loñe, taba loñe del mió llar taba loñe de la neña tab´acullá n´ultramar. Sospiros d´una gaitina que non oyera ebia tiempo trixenon a mió memoria añorances y ricuerdos; y al oyir d´aquesa gaita sos sones dulces y tienros notes allegres y tristes tou mió ser recorrieron. Sentí un no se qué n´el alma qu´asplicalu non aceño, y muy poquiñín a poco nubláronseme los güeyos; quixe moveme y non pudie, quixe falar y lu mesmu; pierdí per completu l´habla y quedé como n´un sueño. Entós tuvie una visión, visión q´olvidar no pueo pos vi dellantre de mi a mió Asturies per entero. Vi les quintanes, les cases, y n´elles a los miós deudos. N´a ssobida la panera vi al galliquín gayaspero desafiando al raposo que non debía tar lexos. Vi n´antoxana les pites, gritando: pos, pos, per eso; coninos que non fozaben pos taben torgaos a tiempo. Vi les vaquines n´el pasto, les oveyes y el carnero, yegua y burru pastoriaos y de centinela el perro. Tuvie dientro d´una cas y enriba el llar xuntu al fueo vi unes trébedes, un cazo, escodielles y pucheros; una tina pa colar, tizoninos medio encesos, y colgao n´a cambrillera un pote grande de fierro. Vi n´a paré un gran vasar de cacios bien repleto, con caxillones, garcielles, cazos grandes y pequeños, cuyarones y cuyares de madera y dos cuchiellos. Vi n´a masera boroñes, un cacho de tocín fresco, tucu, llacón y morciella; y d´una viga sospensos, taben un par de jamones; ¡que bien golía todo ello! Vi tamién como un candil taba per allumar muerto; vi tayueles con tres pates y sobre una un gatín prieto. N´utru llogar de la casa vi una proción de preseos; como mesories, manales,`picos, zapicos, gadeños, esquilones y mollides, cornales, xugos, sobeos, los fierros de cabluñar, garabates, garabetos, palotes, foces, focetes, rozones vieyos y ñuevos; pales de dientes, fesories, pales llanes y forqueos. Al vies y de viga a viga, pos sinón daben n´el techo, taben unes vares llargues que s´usen n´os castañeos pa ximelgar les cañines y tirar l´oricio al suelo, así como los berracos al sacodir los ñoceos; pa varear les cerezales, figalines y ñiseros, ñísperos y peruyales y´otres clases de fruteos; como perales, pomares, piescalines y ciruelos. Ví además en un rincón un hachu n´un picadero y al par d´isti unes madreñes y´unos escarpinos vieyos. Ví los hórreos con les riestres del maiz dorao y tienro; dentro unos cuantos macones, con trigo escanda y centeno; debaxu el carrín d´esquirpia tovía cargao con yestro; la semadora y el rulo y al llao, gradies y llabieos; los trastos d´espardiar llín, parigüeles y maderos. Vi n´a llosa como fusos y´en ringlerina dimpuestos, balaguinos de ñarbaso, varies vares d´erba seco, grandes palenques de paya, y n´os palos, no cimero, pucherinos boca abaxo pa que non llueva per dientro de palanques y de vares y se pudran per d´afecho; así como cuatro cuerdes mirando pa cada viento con una piedra colgando de cada cuerda en so extremo. Vi les tierrines, los praos, les pomarades, los güertos, saltaderes, calleyines y portielles en los cierros. Vi los montes con sos rozos sos pinales, carbayeos, ucalitos, nogalinos, castaño, abedul, humeros, álamos, fresnos, lloredes, y otres flores que non mento; y hasta oyí como del fondo del valle oliendo a romero y al arrullo de les agües del misterioso arroyuelo salía una voz fresquina cantando con dulce acento estes cuartetes galanes que non se m´escaecienon per ser la cantriz devina y per ser el son melguero. El galán que me corteya como ye un poco atrevíu dizme coses a la oreya que me quiten el sentíu. Diz que pronto hemos tar xuntos, que prepare el ñeriquín, perque a los nuestros barruntos van chayos un llaciquín. Al oyir cantar la xana, los mirlos y los xilgueros quedanon como bobinos perque nunca tal oyenon, y aquella neña fermosa de güeyos grandes y ñegros, de coloradina cara y de rebosante seno al tar llavando l´artera y ximelgar el so cuerpo mostró inocente sos formes devines y en sin defeuto. Si yera gloria l´oyila el vela yera un enquento; pero, fo todo ilusión feguración, un engueño; pasó la visión y yo golví a quedar tan despierto; y sin d´embargo entovía de la gaita oyía l´eco. Y ye que los asturianos tenemos esi estrumento n´es frebes del corazón perque ye nuestro amuleto. GABINO MUÑIZ GARCÍA-ROBÉS
|